ତଟରକ୍ଷୀ ବାହିନୀର ଜାହାଜରେ ନିଆଁ: ଜୀବନ ବଞ୍ଚାଇବା ଲାଗି ସମୁଦ୍ରକୁ ଡେଇଁଲେ କ୍ର୍ୟୁ ସଦସ୍ୟ, ୨୮ ଉଦ୍ଧାର,ଜଣେ ନିଖୋଜ
ବିଶାଖାପଟନମ୍ : ଆନ୍ଧ୍ରପ୍ରଦେଶର ବିଶାଖାପଟ୍ଟନମ ନିକଟରେ ସୋମବାର ଭାରତୀୟ ତଟରକ୍ଷୀ ବାହିନୀର ଏକ ପୋତରେ ନିଆଁ ଲାଗିଯାଇଛି । ଦିନ ୧୧ଟା ୩୦ମିନିଟ୍ ମଧ୍ୟରେ ସମୁଦ୍ର ଭିତରେ ଥିବା ଜାହାଜ ଜାଗୁଆରରେ ହଠାତ୍ ନିଆଁ ଲାଗି ଯାଇଥିଲା । ନିଆଁ ବଢ଼ୁଥିବା ଦେଖି ଜାହାଜରେ ଥିବା ୨୯ଜଣ କ୍ର୍ୟୁ ସଦସ୍ୟ ସମୁଦ୍ର ମଧ୍ୟକୁ ଡେଇଁଥିଲେ ।
Sambad is now on WhatsApp
Join and get latest news updates delivered to you via WhatsApp
#WATCH Visakhapatnam: At 11:30 am today, 29 crew members of Offshore Support Vessel Coastal Jaguar jumped into water after a fire engulfed the vessel. 28 rescued by Indian Coast Guard. Search for 1 missing crew underway. Exact cause of fire yet to be ascertained. #AndhraPradesh pic.twitter.com/pksYGrC9ZE
— ANI (@ANI) August 12, 2019
କିନ୍ତୁ ୨୯ଜଣଙ୍କ ମଧ୍ୟରୁ ଏବେ ୨୮ଜଣଙ୍କୁ ଉଦ୍ଧାର କରିବାରେ ସଫଳ ହୋଇଛି ଭାରତୀୟ ତଟରକ୍ଷୀ ବାହିନୀ । ଉଦ୍ଧାର କରାଯାଇଥିବା ୨୮ଜଣଙ୍କୁ ଭାରତୀୟ ତଟରକ୍ଷୀ ବାହିନୀର ଜାହାଜ ରାଣୀ ରଶମୋନୀକୁ ଅଣା ଯାଇଥିବା ବେଳେ ନିଖୋଜ ସଦସ୍ୟଙ୍କୁ ଖୋଜିବା ଅଭିଯାନ ଜାରି ରହିଛି । ତେବେ ଜାହାଜରେ କ’ଣ ପାଇଁ ନିଆଁ ଲାଗିଲା, ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇ ପାରିନାହିଁ । ନିଖୋଜ ଥିବା କ୍ର୍ୟୁ ସଦସ୍ୟଙ୍କୁ ଖୋଜିବା ପାଇଁ ଆଇସିଜି ହେଲିକପ୍ଟର ମଧ୍ୟ କାମରେ ଲଗାଯାଇଥିବା ଜଣାପଡ଼ିଛି । ନିଆଁ ଲାଗିବା ସମୟର କିଛି ଫଟୋ ଏବଂ ଭିଡିଓ ସାମ୍ନାକୁ ଆସିଛି । ଯେଉଁଥିରେ, ଜାହାଜରୁ କଳାଧୂଆଁ ବାହାରୁଥିବା ଦେଖାଯାଇଛି ।