ଭାରତକୁ ଆମେରିକାର ଏୟାର ଡିଫେନ୍ସ ସିଷ୍ଟମ ବିକ୍ରି ପ୍ରସ୍ତାବକୁ ପାକିସ୍ତାନର ବିରୋଧ
ଇସ୍ଲାମାବାଦ : ଭାରତକୁ ଇଣ୍ଟିଗ୍ରେଟେଡ ଏୟାର ଡିଫେନ୍ସ ସିଷ୍ଟମ ବିକ୍ରି ପ୍ରସ୍ତାବକୁ ପାକିସ୍ତାନ ବିରୋଧ କରିଛି । ଏହା ଦକ୍ଷିଣ ଏସିଆରେ ଥିବା ଉତ୍ତେଜନାପୂର୍ଣ୍ଣ ସ୍ଥିତିକୁ ଆହୁରି ଗୁରୁତର କରିବ ବୋଲି ପାକିସ୍ତାନର ବୈଦେଶିକ ମନ୍ତ୍ରାଳୟ ପକ୍ଷରୁ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ବୈଦେଶିକ ମନ୍ତ୍ରାଳୟର ମୁଖପାତ୍ର ଆୟେଶା ଫାରୁକି କହିଛନ୍ତି ଯେ ଭାରତକୁ ଆମେରିକା ଦ୍ୱାରା ଏପରି ଅତ୍ୟାଧୁନିକ ଯୁଦ୍ଧାସ୍ତ୍ର ବିକ୍ରି ଦକ୍ଷିଣ ଏସିଆର ଶକ୍ତି ସନ୍ତୁଳନକୁ ପ୍ରଭାବିତ କରିବ । ଏହି ନିଷ୍ପତ୍ତିର ପ୍ରଭାବ ପାକିସ୍ତାନ ଓ ଅନ୍ୟ ଦେଶମାନଙ୍କ ନିରାପତ୍ତା ଉପରେ ପଡ଼ିବ । ସେ କହିଛନ୍ତି ଯେ ଆମେରିକା ଓ ଭାରତର ସାମରିକ ସଂପର୍କ ସମଗ୍ର ଦକ୍ଷିଣ ଏସିଆର ଶାନ୍ତି ଓ ନିରାପତ୍ତାକୁ ବିପନ୍ନ କରୁଛି । ଦକ୍ଷିଣ ଏସିଆ ଆଉ କୌଣସି ନୂଆ ବିବାଦକୁ ସମ୍ଭାଳି ପାରିବ ନାହିଁ । ଏଣୁ ଅନ୍ତର୍ଜାତୀୟ ସମୁଦାୟ ଏଥିରେ ହସ୍ତକ୍ଷେପ କରିବା ଉଚିତ ।
ଗତ ମଙ୍ଗଳବାରଦିନ ଆମେରିକା ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇ ଭାରତକୁ ଏକ ଇଣ୍ଟିଗ୍ରେଟେଡ ଏୟାର ଡିଫେନ୍ସ ସିଷ୍ଟମ ବିକ୍ରି ପ୍ରସ୍ତାବକୁ ମଂଜୁରୀ ଦେଇଥିଲେ । ଏହାର ମୂଲ୍ୟ ୧.୮ ବିଲିୟନ ଡଲାର ବା ୧୮୬ କୋଟି ଡଲାର ହେବ । ଆମେରିକାର ପ୍ରତିରକ୍ଷା ନିରାପତ୍ତା ସହଯୋଗ ସଂସ୍ଥା ଏହି ନିଷ୍ପତ୍ତି ସଂପର୍କରେ ଆମେରିକା କଂଗ୍ରେସକୁ ଜଣାଇଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଆଗାମୀ ଭାରତଗସ୍ତ ପୂର୍ବରୁ ଆମେରିକା ଭାରତକୁ ଏହି ଏୟାର ଡିଫେନ୍ସ ସିଷ୍ଟମ ବିକ୍ରି ପାଇଁ ପ୍ରସ୍ତାବ ଦେଇଛି ।