ନୂଆଦିଲ୍ଲୀ : ଓମିକ୍ରନ ଭୁତାଣୁ ଦ୍ବାରା ପ୍ରଭାବିତ ଆଫ୍ରିକୀୟ ଦେଶମାନଙ୍କୁ ଉନ୍ନତ ପାଶ୍ଚାତ୍ୟ ଦେଶମାନେ ଫ୍ଲାଇଟ ଚଳାଚଳ ବନ୍ଦ କରିଦେଇଥିବାବେଳେ ସହାୟତା କରିବାକୁ ଭାରତ ଆଗେଇ ଆସିଛି । ଦକ୍ଷିଣ ଆଫ୍ରିକା ସମେତ ଅନ୍ୟ ଦେଶମାନଙ୍କୁ ଭାରତରେ ଉତ୍ପାଦିତ ଟିକା, ପିପିଇ କିଟ୍, ଟେଷ୍ଟିଂ କିଟ୍ ଯୋଗାଇ ଦେବାକୁ ଭାରତ ସରକାର ଘୋଷଣା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୋମବାର ଭାରତୀୟ ବୈଦେଶିକ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ଓମିକ୍ରନ ପ୍ରଭାବିତ ଆଫ୍ରିକୀୟ ଦେଶମାନଙ୍କୁ ଉତ୍ପାଦିତ ଟିକା, ପିପିଇ କିଟ୍, ଜୀବନ ରକ୍ଷାକାରୀ ଔଷଧ, ଟେଷ୍ଟିଂ କିଟ୍ ଯୋଗାଇ ଦେବାକୁ ଭାରତ ପ୍ରସ୍ତୁତ ଅଛି । କୋଭାକ୍ସ ମାଧ୍ୟମରେ ଟିକା ଯୋଗାଇ ଦିଆଯାଇପାରେ ।
ଭାରତର ଏହି ପ୍ରସ୍ତାବକୁ ପ୍ରସଂଶା କରିଛନ୍ତି ବିଶ୍ବ କ୍ରିକେଟର ଅନ୍ୟତମ ମହାନ ବ୍ୟାଟ୍ସମ୍ୟାନ ଭାବେ ପରିଗଣିତ ହେଉଥିବା କେଭିନ ପିଟରସନ । ପିଟରସନ ପୂର୍ବରୁ ଇଂଲଣ୍ଡ ପାଇଁ ଖେଳୁଥିଲେ ବି ସେ ପ୍ରକୃତରେ ଦକ୍ଷିଣ ଆଫ୍ରିକାର ବାସିନ୍ଧା । ଏଣୁ ଦକ୍ଷିଣ ଆଫ୍ରିକାକୁ ଭାରତର ସହାୟତା ପ୍ରଦାନକୁ ସେ ପ୍ରସଂଶା କରିଛନ୍ତି ।
ଏକ ଟୁଇଟ କରି ସେ ଲେଖିଛନ୍ତି, “ ଭାରତ ପୁଣି ଥରେ ନିଜର ସେବାମୂଳକ ମନୋଭାବ ଦେଖାଇଛି । ଭାରତ ବିଶ୍ବର ସବୁଠୁ ଭଲ ଦେଶ ଓ ଏଠାରେ ଅନେକ ଭଲ ଲୋକ ରହନ୍ତି ।“