ପଶ୍ଚିମବଙ୍ଗରେ ବିଜେପିର ରଥଯାତ୍ରାକୁ ଅନୁମତି ଦେବାକୁ ମନା କଲେ ସୁପ୍ରିମକୋର୍ଟ
ନୂଆଦିଲ୍ଲୀ : ପଶ୍ଚିମବଙ୍ଗରେ ବିଜେପିର ପ୍ରସ୍ତାବିତ ରଥଯାତ୍ରା ଆୟୋଜନକୁ ଅନୁମତି ଦେବାକୁ ସୁପ୍ରିମକୋର୍ଟ ମନାକରିଦେଇଛନ୍ତି । ରଥଯାତ୍ରାବେଳେ ହିଂସା ହେବ ବୋଲି ରାଜ୍ୟ ସରକାର କରୁଥିବା ଆଶଙ୍କା ଅମୂଳକ ନୁହେଁ ବୋଲି ପ୍ରଧାନବିଚାରପତି ଜଷ୍ଟିସ ରଂଜନ ଗୋଗୋଇଙ୍କ ଅଧ୍ୟକ୍ଷତାରେ ଥିବା ଖଣ୍ଡପୀଠ ରାୟ ଦେଇଛନ୍ତି । ବିଜେପି ରଥଯାତ୍ରା ବଦଳରେ ରାଜ୍ୟସରକାରଙ୍କ ଅନୁମତି କ୍ରମେ ଏକ ରାଜନୈତିକ ସଭା କରୁ ବୋଲି ଖଣ୍ଡପୀଠ କହିଛନ୍ତି । ଏହା ଫଳରେ ପଶ୍ଚିମବଙ୍ଗରେ ରଥଯାତ୍ରା କରିବା ଲାଗି ବିଜେପିର ଯୋଜନାକୁ ଶକ୍ତ ଧକ୍କା ଲାଗିଛି । ଗତ ଡିସେମ୍ବର ୨୨ରେ କାଲକାଟା ହାଇକୋର୍ଟ ବିଜେପିର ରଥଯାତ୍ରାକୁ ଅନୁମତି ଦେବାକୁ ମନା କରିବା ପରେ ଏହି ରାୟକୁ ଚ୍ୟାଲେଞ୍ଜ କରି ବିଜେପି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ଗତ ଡିସେମ୍ବର ୨୦ରେ କାଲକାଟା ହାଇକୋର୍ଟଙ୍କ ଜଣିକିଆ ଖଣ୍ଡପୀଠ ଯାତ୍ରା ଆୟୋଜନ ପାଇଁ ବିଜେପିକୁ ଅନୁମତି ଦେଇଥିବାବେଳେ ଏହି ରାୟକୁ ତାପର ଦିନ ଅର୍ଥାତ ୨୧ରେ ହାଇକୋର୍ଟ ମୁଖ୍ୟ ବିଚାରପତିଙ୍କ ଖଣ୍ଡପୀଠ ଖାରଜ କରିଦେଇଥିଲେ । ପୂର୍ବରୁ ଏହି କାର୍ଯ୍ୟକ୍ରମ ଆୟୋଜନ ପାଇଁ ରାଜ୍ୟ ସରକାର ବିଜେପିକୁ ଅନୁମତି ଦେଇନଥିଲେ । ସାଂପ୍ରଦାୟିକ ସଦଭାବ ବିଗିଡିବା ଆଶଙ୍କା କରି ରାଜ୍ୟ ସରକାର ଏହି ପଦକ୍ଷେପ ନେଇଥିଲେ । ରାଜ୍ୟ ସରକାରଙ୍କ ଏହି ନିଷ୍ପତ୍ତି ବିରୋଧରେ ବିଜେପି ହୋଇକୋର୍ଟଙ୍କ ଦ୍ୱାରସ୍ଥ ହୋଇଥିଲା ।