ଜମ୍ମୁ-କଶ୍ମୀରରେ ଧାରା ୩୭୦କୁ ବିରୋଧ କରୁଥିବା ଡ଼ ଶ୍ୟାମାପ୍ରସାଦ ମୁଖାର୍ଜୀଙ୍କ ପ୍ରତିମୂର୍ତ୍ତିକୁ ଭାଙ୍ଗିଲେ ଦୁର୍ବୃତ୍ତ
ଜୟପୁର: ରାଜସ୍ଥାନର ଭିଲୱାରା ଜିଲ୍ଲାର ସାହାପୁରା ସହରରେ ଭାରତୀୟ ଜନସଂଘର ପ୍ରତିଷ୍ଠାତା ଡ଼ ଶ୍ୟାମାପ୍ରସାଦ ମୁଖାର୍ଜୀଙ୍କ ପ୍ରତିମୂର୍ତ୍ତିକୁ ଭଙ୍ଗାଯାଇଥିବାର ଖବର ମିଳିଛି। ଏହି ଘଟଣାର ତଦନ୍ତ ଆରମ୍ଭ କରିଛି ପୁଲିସ ବୋଲି ଭିଲୱାରା ଥାନା ଅଧିକାରୀ ଭଜନ ଲାଲ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଅଜଣା ଦୁର୍ବୃତ୍ତଙ୍କ ଦ୍ୱାରା ଡ଼ ଶ୍ୟାମାପ୍ରସାଦ ମୁଖାର୍ଜୀଙ୍କ ମୂର୍ତ୍ତି ଭଙ୍ଗାଯାଇଛି । ଏଥିନେଇ ଏକ ମାମଲା ବି ରୁଜ୍ଜୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରତିମୂର୍ତ୍ତି ଭଙ୍ଗା ଘଟଣା ସଂପର୍କରେ ସ୍ଥାନୀୟ ଲୋକେ କହିଛନ୍ତି ଯେ ଜମ୍ମୁ-କଶ୍ମୀରରେ ଧାରା ୩୭୦ ଉଚ୍ଛେଦ ଯୋଗୁଁ ଏହି କାଣ୍ଡ ଦେଖିବାକୁ ମିଳିଛି । ଡ଼ ଶ୍ୟାମାପ୍ରସାଦ ମୁଖାର୍ଜୀ ଥିଲେ ପ୍ରଥମ ବ୍ୟକ୍ତି ଯିଏ କି ଜମ୍ମୁ-କଶ୍ମୀରକୁ ସ୍ୱତନ୍ତ୍ର ରାଜ୍ୟ ମାନ୍ୟତା ଦିଆଯିବାକୁ ତୀବ୍ର ବିରୋଧ କରୁଥିଲେ ।
ସୂଚନାଯୋଗ୍ୟ ଯେ ଆଗରୁ ବି ଏଭଳି ଅଘଟଣ ଦେଖିବାକୁ ମିଳିଛି। ୨୦୧୮ ମସିହା ମାର୍ଚ୍ଚ ମାସରେ କୋଲକାତାର କାଲିଘାଟ ଓ ଆସାମର କୋକରାଝର ଅଞ୍ଚଳରେ ଡ଼ ଶ୍ୟାମାପ୍ରସାଦ ମୁଖାର୍ଜୀଙ୍କ ମୂର୍ତ୍ତି ଭଙ୍ଗା ଯାଇଥିଲା । ଏହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତୀବ୍ର ନିନ୍ଦା କରିଥିଲେ । ରାଜସ୍ଥାନର ଏହି ଘଟଣାକୁ ବି ତୀବ୍ର ନିନ୍ଦା କରାଯାଉଛି।