ପାଟଣା : ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ଅନେକ ଟିପ୍ପଣି ଦେଇ କହିଛନ୍ତି, ଆମେ ଆପଣଙ୍କୁ ମୁଖ୍ୟମନ୍ତ୍ରୀ କରି ବହୁତ ବଡ ଭୁଲ କରିଛୁ । ପାଟଣାର ଗାନ୍ଧୀ ମଇଦାନରେ ବିହାରର ପୂର୍ବତନ ମୁଖ୍ୟମନ୍ତ୍ରୀ ଜୀତନରାମ ମାଝିଙ୍କ ଦ୍ୱାରା ଆୟୋଜିତ ଗରିବ ମହାମିଳନରେ ଏହି କଥା କହିଥିଲେ ତେଜସ୍ୱୀ । ନୀତିଶ କୁମାର କିଛିଦିନ ପୂର୍ବରୁ କହିଥିଲେ ଆମର ଭୁଲ ପାଇଁ କିଛି ଲୋକ ନେତା ହୋଇଯାଇଛନ୍ତିା ନୀତିଶ କାହାର ନା ନେଇନଥିଲେ କିନ୍ତୁ ଏହି କଥା ନୀତିଶ ପୂର୍ବତନ ମୁଖ୍ୟମନ୍ତ୍ରୀ ଜୀତନରାମଙ୍କୁ ଲକ୍ଷ୍ୟ କରିକହୁଥିଲେ ବୋଲି ଜଣାପଡୁଥିଲା ।
Sambad is now on WhatsApp
Join and get latest news updates delivered to you via WhatsApp
ଏବେ ତେଜସ୍ୱୀ ଯାଦବ ସିଧାସଳଖ ନୀତିଶଙ୍କୁ ଆକ୍ଷେପ କରି କହିଛନ୍ତି ଆପଣଙ୍କୁ ମୁଖ୍ୟମନ୍ତ୍ରୀ କରିବା ଆମର ସବୁଠୁ ବଡ ଭୁଲ୍ ଥିଲା । ସେ ପୁଣି କହିଛନ୍ତି ଭାରତରେ କୌଣସି ରାଜ୍ୟରେ ଚାରି ବର୍ଷରେ ଚାରୋଟି ସରକାର ହୋଇନଥିବ । ବିହାର ସରକାର ମୋହନ ଭାଗବତଙ୍କୁ ବିହାରରେ ଦଙ୍ଗା ସୃଷ୍ଟି କରାଉଛନ୍ତି ବୋଲି ସେ ଅଭିଯୋଗ ଆଣିଛନ୍ତି । ସେ ଆହୁରି କହିଛନ୍ତି ବିହାର ସରକାରଙ୍କ ରିମୋଟ ନାଗପୁରରେ ଅଛି, ବିହାର ସରକାରକୁ ନାଗପୁରରୁ ଚଲାଯାଉଛି।