ବିଜେପିକୁ ଦୂରେଇ ରଖିବାକୁ ଶିବସେନା,କଂଗ୍ରେସ ଓ ଏନସିପି ସୁବିଧାବାଦୀ ମେଣ୍ଟ କରିଛନ୍ତି, ୬ ମାସରୁ ଅଧିକ ସମୟ ତିଷ୍ଠିବ ନାହିଁ : ଗଡ଼କରୀ
ନୂଆଦିଲ୍ଲୀ : ମହାରାଷ୍ଟ୍ରରେ ଶିବସେନା, ଏନସିପି ଓ କଂଗ୍ରେସ ମିଳିତ ଭାବେ ସରକାର ଗଠନ କରିବାକୁ ଉଦ୍ୟମ କରୁଥିବାବେଳେ ଏସଂପର୍କରେ ନିଜର ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ନିତିନ ଗଡ଼କରୀ । ଏହି ମେଣ୍ଟ ଗଠନକରିଥିବା ଦଳଗୁଡ଼ିକ ସୁବିଧାବାଦୀ, ଏଣୁ ସରକାର ୬ ମାସରୁ ଅଧିକଦିନ ତିଷ୍ଠିବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ରାଞ୍ଚିଠାରେ ଏକ ନିର୍ବାଚନପ୍ରଚାର ସଭାରେ ଯୋଗ ଦେବାକୁ ଆସିଥିବା ଗଡ଼କରୀ କହିଛନ୍ତି ଯେ କେବଳ ବିଜେପିକୁ କ୍ଷମତାରୁ ଦୂରେଇ ରଖିବାକୁ ପରସ୍ପର ବିପରୀତ ମନୋଭାବ ବିଶିଷ୍ଟ ଦଳ ଏକାଠି ହୋଇଛନ୍ତି । ଏମାନଙ୍କର ମୁଖ୍ୟ ଲକ୍ଷ୍ୟ ହେଉଛି ବିଜେପିକୁ କ୍ଷମତାରୁ ଦୂରେଇରଖିବା, ଯାହାକି ବେଶ ଦୁର୍ଭାଗ୍ୟଜନକ । ଏହି ସରକାର ଗଠନ ହେବା ନେଇ ସଂଦେହ ରହିଛି । ଯଦିବା ଗଠନ ହୁଏ ୬ ମାସରୁ ଅଧିକ ସମୟ ତିଷ୍ଠିବ ନାହିଁ ବୋଲି ସେ କହିଛନ୍ତି ।
ସୂଚନାଯୋଗ୍ୟ ଯେ ମହାରାଷ୍ଟ୍ରରେ ସରକାର ଗଠନ ପାଇଁ ଆଜି କଂଗ୍ରେସ ଓ ଏନସିପି ମଧ୍ୟରେ ଆଲୋଚନା ହେଉଛି । ଏହି ଆଲୋଚନା ପରେ ଶିବସେନା ସହ ଆଲୋଚନା କରି ସରକାର ଗଠନ ପାଇଁ ଦାବି କରାଯିବ । ମୁଖ୍ୟମନ୍ତ୍ରୀ ପଦ ପାଇଁ କୌଣସି ଔପଚାରିକ ନିଷ୍ପତ୍ତି ହୋଇ ନ ଥିଲେ ମଧ୍ୟ ଉଦ୍ଧବକୁ ମୁଖ୍ୟମନ୍ତ୍ରୀ କରିବାକୁ ଶିବସେନା ବିଧାୟକମାନେ ଦାବି କରୁଛନ୍ତି ।