ଖାଦ୍ୟ ଡେଲିଭର କରିବାକୁ ଆସିଥିବା ବେଳେ ଗ୍ରାହକର କୁକୁରକୁ ନେଇ ଫେରାର ହେଲା ଜୋମାଟୋ ଡେଲିଭରୀ ବଏ
ପୁଣେ : ପୂର୍ବରୁ ଅନେକ ବିବାଦୀୟ କାରଣ ପାଇଁ ଜୋମାଟୋ ଫୁଡ୍ ଡେଲିଭରୀ ଆପ୍ ବିବାଦରେ ଛନ୍ଦି ହୋଇଛି । ଏ ନେଇ ଲୋକେ ଅଭିଯୋଗ ଆଣିଥିଲେ ମଧ୍ୟ ନିଜ ଡେଲିଭରୀ ବଏଙ୍କ ପାଇଁ ଅନେକ ଥର ଅପମାନର ଶିକାର ହେଉଛି ଜୋମାଟୋ । ଏବେ ପୁଣି ଥରେ ଡେଲିଭରୀ ବଏଙ୍କ ଅଜବ କାମ ପାଇଁ ଜୋମାଟୋ ବିବାଦରେ ଛନ୍ଦି ହୋଇଛି । ଖାଦ୍ୟ ଡେଲିଭର କରିବାକୁ ଆସିଥିବା ବେଳେ ଡେଲିଭରୀ ବଏ ଗ୍ରାହକ ଘରେ ଥିବା କୁକୁରକୁ ଚୋରି କରିନେବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କୁକୁରର ମାଲିକାଣୀ ଏବେ ନିଜ କୁକୁରକୁ ଖୋଜିବାର ବିଫଳ ହୋଇ ସୋସିଆଲ ମିଡିଆରେ କମ୍ପାନୀକୁ ଅଭିଯୋଗ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
@ZomatoIN @zomatocare@Rashmibansal #doglovers help @PETA #missingdog kidnapped by Zomato delivery guy Tushar Mobile number 08669582131on 7thOct from Poona at Karve Road,Deccan. pic.twitter.com/qLHnzEpwyT
— Vandana Shah (@Vandy4PM) October 8, 2019
ସୂଚନା ମୁତାବକ, ସୋମବାର ପୁଣେର କର୍ବେ ରୋଡ୍ରେ ରହୁଥିବା ବନ୍ଦନା ଶାହା ଖାଇବା ଅର୍ଡର କରିଥିଲେ । ଅର୍ଡର ଡେଲିଭର ହେବାର କିଛି ସମୟ ପରେ ସେ ନିଜ ଘରେ ଥିବା ପୋଷ କୁକୁର ଦୋତ୍ତୁକୁ ପାଇ ନଥିଲେ । ଆଖ ପାଖରେ ଖୋଜିବା ପରେ ପାଖ ରେସ୍ତୋରାଁରେ ପହଞ୍ଚିଥିଲେ ବନ୍ଦନା । ସେଠାରେ କାମ କରୁଥିବା ଡେଲିଭରୀ ବଏଙ୍କ ହାତରେ ଦୋତ୍ତୁକୁ ଦେଖିଥିବା ନେଇ ରେସ୍ତୋରାଁର କର୍ମଚାରୀ କହିବା ପରେ ତାଙ୍କ ନାଁ ତୁଷାର ବୋଲି ଜଣା ପଡ଼ିଥିଲା । ଫୋନ ନମ୍ବର ଆଣି ତୁଷାରଙ୍କୁ ଫୋନ କରିବା ପରେ ସେ ଦୋତ୍ତୁକୁ ନେଇଥିବା ନେଇ ସ୍ୱିକାର କରିବା ସହ ଦୋତ୍ତୁକୁ ସେ ନିଜ ଗାଁକୁ ପଠାଇ ଦେଇଥିବା ନେଇ କହିଥିଲେ । ଅନ୍ୟ କିଛି ବାଟ ନ ପାଇ ବନ୍ଦନା ଏବେ ତୁଷାରଙ୍କ ବିରୋଧରେ ପୁଲିସରେ ଅଭିଯୋଗ କରିବା ସହ ଜୋମାଟୋ ଆପ୍ ହଟାଇ ଦେଇଥିବା ଜଣା ପଡ଼ିଛି । ଏହା ସହ ଟୁଇଟ୍ରରେ ସେ ଜୋମାଟୋକୁ ତୁଷାରଙ୍କ ବିରୋଧରେ ଅଭିଯୋଗ କରିଥିବା ଦେଖାଯାଇଛି ।
Picture of the guy https://t.co/9jjtGy6IBF pic.twitter.com/FI8cdethDW
— Vandana Shah (@Vandy4PM) October 8, 2019