ବିହାର ବନ୍ୟା ପ୍ରପୀଡ଼ିତଙ୍କୁ ୫୧ଲକ୍ଷ ଟଙ୍କା ଦାନ କଲେ ଅମିତାଭ ବଚ୍ଚନ
ମୁମ୍ବାଇ : ଚଳିତ ବର୍ଷ ମୌସୁମୀ ବିହାରକୁ ବୁଡ଼ାଇ ଦେଇଛି । ଲଗାଣ ବର୍ଷା ପାଇଁ ବିହାରର ଅନେକ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହେବା ସହ ଅନେକ ଲୋକ ମୃତ୍ୟୁବରଣ କରି ସାରିଲେଣି । ବନ୍ୟା ପାଇଁ ସାଧାରଣ ଲୋକଙ୍କ ଜନଜୀବନ ଅସ୍ତବ୍ୟସ୍ତ ହୋଇ ପଡ଼ିଛି । ପୁଣି ଥରେ ଲୋକଙ୍କୁ ଥଇଥାନ କରିବା ପାଇଁ ବିହାର ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ଲୋକେ ସହାୟତା ରାଶି ପଠାଉଥିବା ବେଳେ ଏବେ ବଲିଉଡ୍ ଅଭିନେତା ବିଗ୍ ବି ଅମିତାଭ ବଚ୍ଚନ ୫୧ଲକ୍ଷ ଟଙ୍କାର ସହାୟତା ରାଶି ଦେଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
बिहार की बाढ़ त्रासदी में सहयोग हेतु सुप्रसिद्ध अभिनेता श्री अमिताभ बच्चन जी ने अपने प्रतिनिधि श्री विजय नाथ मिश्र के माध्यम से मुख्यमंत्री राहत कोष में रु. 51 लाख का चेक भेंट किया। pic.twitter.com/9A31MSxJWt
— Sushil Kumar Modi (@SushilModi) October 9, 2019
ବିଗ୍ ବିଙ୍କ ପ୍ରତିନିଧି ବିଜୟନାଥ ମିଶ୍ର ୫୧ଲକ୍ଷ ଟଙ୍କାର ଚେକ୍ ଓ ମୁଖ୍ୟମନ୍ତ୍ରୀ ନିତିଶ କୁମାରଙ୍କ ପାଇଁ ବିଗ୍ ବି ଲେଖିଥିବା ଚିଠିକୁ ବୁଧବାର ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦୀଙ୍କୁ ହସ୍ତାନ୍ତର କରିଥିବା ଜଣା ପଡ଼ିଛି । ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦୀ ନିଜ ଟୁଇଟ୍ର ଆକାଉଣ୍ଟରେ ବିଜୟନାଥ ମିଶ୍ରଙ୍କ ସହ ଫଟୋ ସେୟାର କରି ଏହାର ସୂଚନା ଦେଇଛନ୍ତି । ତେବେ ଏହା ପ୍ରଥମ ନୁହେଁ, ପୂର୍ବରୁ ଭାରତର ଅନେକ ସ୍ଥାନରେ ପ୍ରାକୃତିକ ବିପର୍ଯ୍ୟାୟ ଦେଖାଯାଇଥିବା ବେଳେ ବିଗ୍ ବି ପ୍ରତି ଥର ସହାୟତା କରିବା ପାଇଁ ଆଗେଇ ଆସିଛନ୍ତି ।