ଭୁବନେଶ୍ବର ମ୍ୟୁଜିକ୍ ସର୍କଲର ବାର୍ଷିକ ସଙ୍ଗୀତ ଉତ୍ସବ
ଭୁବନେଶ୍ବର : ଭୁବନେଶ୍ବର ମ୍ୟୁଜିକ୍ ସର୍କଲର ବାର୍ଷିକ ସଙ୍ଗୀତ ଉତ୍ସବ ଆଜିଠାରୁ ରବୀନ୍ଦ୍ର ମଣ୍ଡପଠାରେ ଆରମ୍ଭ ହୋଇଛି। ଉତ୍ସବରେ ଶିଳ୍ପୀ ରବିଶଙ୍କର ପ୍ରଧାନ ହିନ୍ଦୁସ୍ତାନୀ ସିତାର ବାଦନ କରିଥିଲେ। ଏଥିରେ ତାଙ୍କୁ ବୁଦ୍ଧାଦିତ୍ୟ ପ୍ରଧାନ ଓ ତବଲାରେ କୁଳମଣି ସାହୁ ସହଯୋଗ କରିଥିଲେ। ସେହିପରି ବିଦୁଷୀ ଶୁଭ୍ରା ଗୁହା ହିନ୍ଦୁସ୍ତାନୀ କଣ୍ଠସଙ୍ଗୀତ ପରିବେଷଣ କରିଥିଲେ। ଏଥିରେ ସହଯୋଗୀ ଶିଳ୍ପୀ ଭାବେ ତବଲାରେ ଅଶୋକ ମୁଖାର୍ଜୀ, ହାର୍ମୋନିୟମ୍ରେ ରୂପଶ୍ରୀ ଭଟ୍ଟଚାର୍ଯ୍ୟ, ସଙ୍ଗୀତରେ ସଂଯୁକ୍ତା ବିଶ୍ବାଳ ଓ ସବ୍ରିନା ଇସ୍ଲାମ୍ ଏବଂ ତାନ୍ପୁରାରେ ସୁମନ୍ତ ମହାରଣା ଓ ସଚ୍ଚିଦାନନ୍ଦ ସାହୁ ପ୍ରମୁଖ ସହଯୋଗ କରିଥିଲେ। ଆଜିର ଉତ୍ସବରେ ନାଟ୍ୟ ନିର୍ଦ୍ଦେଶକ ଅନନ୍ତ ମହାପାତ୍ର ଓ ଭୁବନେଶ୍ବର ମ୍ୟୁଜିକ୍ ସର୍କଲର ପୂର୍ବତନ ସମ୍ପାଦକ ମହେନ୍ଦ୍ର ମିଶ୍ର ଅତିଥି ଭାବେ ଯୋଗ ଦେଇଥିଲେ। ଭୁବନେଶ୍ବର ମ୍ୟୁଜିକ୍ ସର୍କଲର ସମ୍ପାଦକ କ୍ଷୀରୋଦ ପଟ୍ଟନାୟକ କାର୍ଯ୍ୟକ୍ରମ ପରିଚାଳନା କରିଥିଲେ। ଆଦ୍ୟାଶା ଦାସ ମଞ୍ଚ ସଂଯୋଜନା କରିଥିଲେ। ଏହା ତିନି ଦିନ ଧରି ଚାଲିବ।