ନନ୍ଦନକାନନ ପ୍ରାଣୀ ଉଦ୍ୟାନର ବାଘ ସଫାରିରେ ରହୁଥିବା ୫ବର୍ଷୀୟ ବିରଳ ଧଳା ମହାବଳ ବାଘ ଶୁଭ୍ରାଂଶୁକୁ ଝାଡ଼ାବାନ୍ତି
ନନ୍ଦନକାନନରେ ବାରାଶିଙ୍ଗା ଜନ୍ମ
ବାରଙ୍ଗ : ନନ୍ଦନକାନନ ପ୍ରାଣୀ ଉଦ୍ୟାନର ବାଘ ସଫାରିରେ ରହୁଥିବା ୫ବର୍ଷୀୟ ବିରଳ ଧଳା ମହାବଳ ବାଘ ଶୁଭ୍ରାଂଶୁ ୩ ଦିନ ହେଲା ଝାଡ଼ାବାନ୍ତିରେ ପୀଡ଼ିତ। ସେ ଖାଉଥିବା ଖାଦ୍ୟ ହଜମ କରିପାରୁନାହିଁ। ସୋମବାର ମଇଁଷି ମାଂସ ବାନ୍ତି କରି ଦେଇଥିଲା। ତା’ର ତରଳ ଝାଡ଼ା ମଧ୍ୟ ହେଉଛି। ନନ୍ଦନକାନନ ପ୍ରାଣୀ ଚିକିତ୍ସକମାନେ ଔଷଧ ଓ ଆଣ୍ଟିଟ୍ରେସ୍ ଦେଇ ତା’ର ଚିକିତ୍ସା ଜାରି ରଖିଛନ୍ତି। ତେବେ ଗତକାଲିଠାରୁ ତା’ ସ୍ବାସ୍ଥ୍ୟାବସ୍ଥାରେ ଉନ୍ନତି ଘଟୁଛି। ତା’ ବାନ୍ତି ବନ୍ଦ ହେବା ସହ ଝାଡ଼ାରେ ମଧ୍ୟ ପରିବର୍ତ୍ତନ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଏ ସଂପର୍କରେ ନନ୍ଦନକାନନ ପ୍ରାଣୀ ଉଦ୍ୟାନର ଉପନିର୍ଦ୍ଦେଶକ ଜୟନ୍ତ ଦାସ କହିଛନ୍ତି, ତା’ ପାକସ୍ଥଳୀରେ ସମସ୍ୟା ଥିବା ସନ୍ଦେହରେ ଓୟୁଏଟିକୁ ତା’ର ମଳ ଓ ରକ୍ତ ନମୁନା ପଠାଯାଇଛି। ରିପୋର୍ଟ ଆସିଲେ ତଦନୁଯାୟୀ ପଦକ୍ଷେପ ନିଆଯିବ।
ଉଲ୍ଲେଖଯୋଗ୍ୟ, ଶୁଭ୍ରାଂଶୁ ୨୦୧୪ ଜୁଲାଇ ୨୮ ତାରିଖରେ ଧଳା ବାଘୁଣୀ ସ୍ନେହା ଓ ସାଧାରଣ ନାଲି ରଙ୍ଗର ମହାବଳ ବାଘ ମନୀଷଙ୍କ ମିଳନରୁ ଜନ୍ମିତ। ବିରଳ କଳା ରଙ୍ଗ କ୍ରିଷ୍ଣା ସହ ସେ ଜନ୍ମଲାଭ କରିଥିଲା।
ନନ୍ଦନକାନନରେ ବାରାଶିଙ୍ଗା ଜନ୍ମ
ବାରଙ୍ଗ : ନନ୍ଦନକାନନ ପ୍ରାଣୀ ଉଦ୍ୟାନର ୩୮ନମ୍ବର ଖୁଆଡ଼ରେ ଏକ ବାରାଶିଙ୍ଗା ହରିଣ ଛୁଆ ଜନ୍ମ ହୋଇଛି। ଛୁଆ ଓ ତାର ମା’ ସୁସ୍ଥ ଅଛନ୍ତି। ନବଜାତ ଛୁଆଟିର ଲିଙ୍ଗ ଚିହ୍ନଟ ହୋଇପାରି ନାହିଁ। ୨୦୧୫ ମସିହା ପରେ ୪ ବର୍ଷର ବ୍ୟବଧାନ ପରେ ଲଗାତର ୩ଟି ବରାଶିଙ୍ଗା ହରିଣ ଛୁଆ ଜନ୍ମ ନେଇଛନ୍ତି। ଫଳରେ ନନ୍ଦନକାନନର ବାରାଶିଙ୍ଗା ହରିଣ ସଂଖ୍ୟା ୧୨କୁ ବୃଦ୍ଧି ପାଇଛି। ସେମାନଙ୍କ ମଧ୍ୟରେ ୬ଟି ମାଈ, ୪ଟି ଅଣ୍ତିରା ଓ ଲିଙ୍ଗ ଚିହ୍ନଟ ହୋଇ ନଥିବା ୨ଟି ଛୁଆ ଅଛନ୍ତି।