ବିଶ୍ୱକପ : ପ୍ରଥମ ମ୍ୟାଚରେ ଶୋଚନୀୟ ପରାଜୟ ପରେ ପାକିସ୍ତାନର ଜୋରଦାର ପ୍ରତ୍ୟାବର୍ତ୍ତନ, ଇଂଲାଣ୍ଡ ଆଗରେ ୩୪୯ ରନର ବିଶାଳ ଲକ୍ଷ୍ୟ ରଖିଲା
ଟେଣ୍ଟବ୍ରିଜ (ନଟିଂହାମ) : ନଟିଂହାମ (ଇଂଲାଣ୍ଡ)ର ଟେଣ୍ଟବ୍ରିଜଠାରେ ଚାଲିଥିବା ବିଶ୍ୱକପ କ୍ରିକେଟ ୨୦୧୯ର ୬ଷ୍ଠ ମ୍ୟାଚରେ ଆଜି ପାକିସ୍ତାନ ଆୟୋଜକ ଇଂଲାଣ୍ଡ ଆଗରେ ୩୪୯ ରନର ବିଶାଳ ଲକ୍ଷ୍ୟ ରଖିଛି ।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ମ୍ୟାଚରେ େଓ୍ଵଷ୍ଟଇଣ୍ଡିଜଠାରୁ ଶୋଚନୀୟ ପରାଜୟ ପରେ ପାକିସ୍ତାନ ଦଳ ଜୋରଜାର ପ୍ରତ୍ୟାବର୍ତ୍ତନ କରିବା ସହ ଆଗଧାଡ଼ି ବ୍ୟାଟ୍ସମ୍ୟାନଙ୍କ ଉତ୍ତମ ପ୍ରଦର୍ଶନ ଫଳରେ ୫୦ ଓଭରରେ ୮ ଓ୍ଵିକେଟ ହରାଇ ୩୪୮ ରନ କରିଛି । ଦଳ ପକ୍ଷରୁ ମହମ୍ମଦ ହାଫିଜ ସର୍ବାଧିକ ୮୪, ବାବର ଆଜମ ୬୩, ସରଫରାଜ ଅହମଦ ୫୫ରନ ସଂଗ୍ରହ କରିଥିଲେ ।
ଏହି ମ୍ୟାଚରେ ଇଂଲାଣ୍ଡର ଅଧିନାୟକ ଇଓନ ମର୍ଗାନ ଟସ ଜିଣି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ତେବେ ପାକିସ୍ତାନର ବିଶାଳ ସ୍କୋର ପରେ ତାଙ୍କର ଏହି ନିଷ୍ପତ୍ତି ଭୁଲ ପ୍ରମାଣିତ ହୋଇଛି । ଇଂଲାଣ୍ଡ ପକ୍ଷରୁ କ୍ରିସ ଓ୍ଵକର୍ସ ୭୧ ରନ ଦେଇ ୩ଟି, ମୋଇନ ଅଲ୍ଲୀ ୫୦ ରନ ଦେଇ ୩ଟି ଓ ମାର୍କ ଉଡ ୫୩ ରନ ଦେଇ ୨ଟି ଓ୍ଵିକେଟ ନେଇଥିଲେ ।