କଣ୍ଟାବାଞ୍ଜି: ବଲାଙ୍ଗୀର ଜିଲ୍ଲା ଅନ୍ତର୍ଗତ କଣ୍ଟାବାଞ୍ଜି କରଲା ଫାଟକ ରେଳ ଲାଇନ କଡ଼ରୁ ଜଣେ ଯୁବକଙ୍କ ମୃତ ଦେହ ଉଦ୍ଧାର ହୋଇଛି। ମୃତ ଯୁବକଜଣକ ହେଲେ ବେଲପଡ଼ା ଗାଁର ମହେନ୍ଦ୍ର ପୋଡ଼ । ମହେଦ୍ର ଡ୍ରାଇଭର ଭାବେ କଣ୍ଟାବାଞ୍ଜିର ଏକ ଟ୍ରାନ୍ସପୋର୍ଟ କମ୍ପାନିରେ କାମ କରୁଥିଲେ ।
Sambad is now on WhatsApp
Join and get latest news updates delivered to you via WhatsApp
ପରିବାର ଲୋକ ଏହା ହତ୍ୟା ବୋଲି ଅଭିଯୋଗ କରିଛନ୍ତି। କଣ୍ଟାବାଞ୍ଜି ଏସଡିପିଓ, ଥାନା ଅଧିକାରୀ, ଜିଆରପି, ଆରପିଏଫ ପହଞ୍ଚି ଅଧିକ ତଦନ୍ତ ଆରମ୍ଭ କରିଛନ୍ତି। ମହେନ୍ଦ୍ର ଏକ ପିକଅପ ଗାଡ଼ିରେ ରାୟପୁରରୁ କିଛି ସାମଗ୍ରୀ ନେଇ କଣ୍ଟାବାଞ୍ଜି ଆସୁଥିଲେ । ତେବେ କରଲା ଫାଟକ ରେଳ ଲାଇନ କଡ଼ରେ ତାର ମୃତ୍ୟୁ ଦେହ ପଡ଼ିଥିବା ବେଳେ ପିକଅପ ଗାଡି ରାସ୍ତା କଡରେ ଛିଡ଼ା ହୋଇଥିବା ଦେଖାଯାଇଛି ।
ଗାଡ଼ି ମାଲିକ ଶବ ଚିହ୍ନଟ କରିବା ପରେ ପରିବାରଲୋକଙ୍କୁ ଖବର ଦେଇଥିଲେ । ତେବେ ପରିବାର ଲୋକ ହତ୍ୟା ବୋଲି ସନ୍ଦେହ କରୁଥିବା ବେଳେ ପୁଲିସ ମଧ୍ୟ ହତ୍ୟା ସନ୍ଦେହ କରି ତଦନ୍ତ ଆରମ୍ଭ କରିଛି । ଅନ୍ୟ ପକ୍ଷରେ, ମୃତ ମହେନ୍ଦ୍ରଙ୍କ ଭିଣୋଇ ମଧ୍ୟ ଏହା ଏକ ହତ୍ୟାକାଣ୍ଡ ବୋଲି ନିଜ ପ୍ରତିକ୍ରିୟାରେ କହିଛନ୍ତି ।