ପିଲାଙ୍କ ମୁଁହରେ ହସ ଫୁଟାଇଲେ: ମୁଖ୍ୟ ଶାସନ ସଚିବ ଓ ପାଣ୍ଡିଆନଙ୍କ ଭିନ୍ନ ଦୀପାବଳି
ଭୁବନେଶ୍ୱର: ରାଜ୍ୟ ସରକାରଙ୍କର ଦୁଇ ବରିଷ୍ଠ ଅଧିକାରୀ | ଜଣେ ହେଉଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଓ ଅନ୍ୟ ଜଣେ ୫ଟି ସଚିବ ଭି କେ ପାଣ୍ଡିଆନ | ମୁଖ୍ୟମନ୍ତ୍ରୀ ନିଆରା ଦୀପାବଳି ପାଳନର ଆହ୍ୱାନ ପରେ ଆଜି ଦେଖିବାକୁ ମିଳିଥିଲା ଭିନ୍ନ ଓ ସୁନ୍ଦର ଦୃଶ୍ୟ | ରାଜ୍ୟର କୋଣ ଅନୁକୋଣରେ ଜିଲ୍ଲାପାଳ ଓ ଏସପି ଶିଶୁ ସୁରକ୍ଷା କେନ୍ଦ୍ର ସହ ସ୍ଵଧାର ଗୃହରେ କୁନି ଶିଶୁ, ଭିନ୍ନକ୍ଷମ ଓ ଅସହାୟ ମହିଳାଙ୍କ ସହ ଦୀପାବଳି ପାଳିଥିବାବେଳେ ଏଥିରୁ କିଭଳି ବା ବାଦ ପଡିଥାନ୍ତେ ଦୁଇ ବରିଷ୍ଠ ଅଧିକାରୀ |
Sambad is now on WhatsApp
Join and get latest news updates delivered to you via WhatsApp
ମୁଖ୍ୟ ଶାସନ ସଚିବ ଭୁବନେଶ୍ୱରରେ ଥିବା ଚେତନା ଗୃହକୁ ଯାଇ ମିଠା ବାଣ୍ଟିବା ସହ ଶବ୍ଦ ବିହୀନ ବାଣ ଫୁଟାଇ ଦୀପାବଳି ପାଳନ କରିଥିଲେ | ସେହିପରି ୫ଟି ସଚିବ ଭି କେ ପାଣ୍ଡିଆନ କଳିଙ୍ଗ ଷ୍ଟାଡିୟମରେ ଥିବା ସ୍ପୋର୍ଟ୍ସ ହଷ୍ଟେଲ ଯାଇ ଅନ୍ତେବାସୀଙ୍କ ସହ ଦୀପାବଳି ପାଳନ କରିଥିଲେ |
ଏଠାରେ ସେ ପିଲାମାନଙ୍କୁ ମିଠେଇ ବଣ୍ଟନ କରିବା ସହ ପିଲାମାନଙ୍କ ସହ ବସି ଖାଇଥିଲେ | କିଭଳି ସେମାନେ ରହୁଛନ୍ତି ସେମାନଙ୍କ ଆବଶ୍ୟକତାକୁ ଅନୁଭବ କରିବା ସହ ଉନ୍ନତି କରାଯିବା ନେଇ ଆଶ୍ୱାସନା ଦେଇଥିଲେ |