ମମିତା ନିଖୋଜ ମାମଲାର ଏତଲା ଲେଖିଥିଲେ ଖୋଦ୍ ଗୋବିନ୍ଦ ସାହୁ, ତାଙ୍କ ଇସାରାରେ ଏତଲା ରଖି ନଥିଲେ ଥାନା ବାବୁ
ଭୁବନେଶ୍ବର: ମମିତା ମେହେର ନିଖୋଜ ମାମଲାର ଏତଲା ନିଜେ ଲେଖିଥିଲେ ଗୋବିନ୍ଦ ସାହୁ । ଏପରିକି ଏତଲା ଲେଖିବା ପାଇଁ, ମମିତାଙ୍କ ପରିବାର କେ. ଗାଁ ଥାନାରେ ପହଞ୍ଚିବା ଆଗରୁ ସେଠାରେ ଗୋବିନ୍ଦ ପହଞ୍ଚି ଯାଇଥିଲେ । ଆଉ ତାଙ୍କରି ଇସାରାରେ ଥାନା ବାବୁ ଏତଲା ରଖି ନଥିବା ଅଭିଯୋଗ ହୋଇଛି । ବଲାଙ୍ଗୀରର ମାମଲା ହୋଇଥିବାରୁ ତୁରକେଲାରେ ଏତଲା ଦେବାକୁ କୁହାଯିବା ପରେ ମମିତାଙ୍କ ପରିବାର ଲୋକେ ଝିଅ ନିଖୋଜ ନେଇ ସିନ୍ଧକେଲା ଥାନାରେ ଏତଲା ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ମମିତାଙ୍କ ମୃତ୍ୟୁ ମାମଲାକୁ ନେଇ ରାଜନୀତି ଜୋର ଧରିଥିବା ବେଳେ ନ୍ୟାୟ ଦାବି କରିଛନ୍ତି ମମିତାଙ୍କ ବାପା । ଘଟଣାରେ ସଂପୃକ୍ତ ଥିବା ଅଭିଯୁକ୍ତମାନଙ୍କୁ ସେ ଫାଶୀ ଦଣ୍ଡ ଦେବାକୁ ଦାବି କରିଛନ୍ତି । ସେପଟେ ମମିତାଙ୍କୁ ନ୍ୟାୟ ପାଇଁ ଚାଲିଛି ପ୍ରତିବାଦ। ଓଡ଼ିଶା ଗସ୍ତରେ ୩ ଜଣିଆ କେନ୍ଦ୍ରୀୟ ବିଜେପି ଟିମ୍ ଆସିବାକୁ ଥିବା ବେଳେ ୨୮ରେ ପୁଣି ବଲାଙ୍ଗୀର ଗସ୍ତ କରିବେ କଂଗ୍ରେସ ପ୍ରଭାରୀ ଚେଲ୍ଲା କୁମାର ଓ ଏଆଇସିସି ସାଧାରଣ ସମ୍ପାଦକ ରଣଦୀପ ସୁରଜେୱାଲା ।
ତେବେ ମନ୍ତ୍ରୀଙ୍କ ଇସ୍ତଫା ଦାବିରେ ଆଜି ବି ପ୍ରତିବାଦ କରିବ ବିଜେପି । ଅନ୍ୟପକ୍ଷରେ ଯୁବ କଂଗ୍ରେସର ଚେତାବନୀ ଦେଇଛି ଯେ ମନ୍ତ୍ରୀଙ୍କୁ ବହିଷ୍କାର ନକଲେ ୩୦ରେ ନବୀନ ନିବାସ ଘେରାଓ କରାଯିବ।