କଣ୍ଟାବାଞ୍ଜି: ପ୍ରଶାସନିକ ଅଧିକାରୀ ହୋଇ କେବଳ କଣ୍ଟାବାଞ୍ଜି ନୁହେଁ, ବରଂ ଭାରତରେ ବି ସୁନାମ ଅର୍ଜନ କରିବି। ଆଇଏଏସ୍ ନବଲ କିଶୋର ଜୈନ ଗଣମାଧ୍ୟମକୁ ଏହା କହିଛନ୍ତି। ସେ କହିଛନ୍ତି, ପାଠ ପଢ଼ାରେ କଠିନ ପରିଶ୍ରମ ଓ ଇଚ୍ଛା ଶକ୍ତି ଥିଲେ ମୋ ଭଳି ଏ ଅଞ୍ଚଳର ଅନ୍ୟ ଛାତ୍ରଛାତ୍ରୀମାନେ ମଧ୍ୟ ଆଇଏଏସ୍ ହୋଇ ପାଇବେ ଓ କଣ୍ଟାବାଞ୍ଜି ତଥା ଓଡିଶାର ନାଁ ଅର୍ଜନ କରି ପାରିବେ। ଛାତ୍ର ଜୀବନ ଶୃଙ୍ଖଳିତ ହେବା ଦରକାର ବୋଲି ସେ ପରାମର୍ଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ସହରର ଯୁବକ ନବଲ କିଶୋର ଜୈନ ସିଭିଲ ସର୍ଭିସ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି। ନବଲ କିଶୋର ସିଭିଲ ସର୍ଭିସ ପରୀକ୍ଷାରେ ୧୨୫ ରାଙ୍କରେ ଉତ୍ତୀର୍ଣ୍ଣ ହୋଇଛନ୍ତି। ସିଭିଲ ସର୍ଭିସ ପରୀକ୍ଷାରେ ଉତ୍ତୀର୍ଣ୍ଣ ହେବା ଖବର ପାଇବା ପରେ ତାଙ୍କ ପରିବାରରେ ଖୁସିର ଲହରି ଦେଖାଯାଇଛି।
ଗତ ବର୍ଷ ନବଲ ୨୦୧୮ ବ୍ୟାଚର ସିଭିଲ ସର୍ଭିସ ପରୀକ୍ଷାରେ ୩୫୦ ରାଙ୍କ ରହିଥିଲେ। ସେ ଭାରତୀୟ ରେଲୱେର ଟ୍ରାଫିକ ସର୍ଭିସରେ ଅଣ୍ଡର ଟ୍ରେନିଙ୍ଗରେ ଥିଲେ। ତେବେ ପ୍ରଥମ ଚେଷ୍ଟାରେ ହି ସେ ଆଇଏଏସ ପାଇଥିବାରୁ ତାଙ୍କ ପରିବାର, ବନ୍ଧୁବାନ୍ଧବ, ଜୈନ ସମାଜର ଲୋକ ବହୁତ ଖୁସି ଓ ଗର୍ବ ଅନୁଭବ କରିଛନ୍ତି।