ଭୁବନେଶ୍ବର : ମେ ୧ରୁ ସାରା ଦେଶରେ ୧୮ ବର୍ଷରୁ ଉର୍ଦ୍ଧ୍ବ ବର୍ଗର ଲୋକମାନଙ୍କ ଟିକାକରଣ ଆରମ୍ଭ ହେଉଥିବାବେଳେ ଓଡ଼ିଶାରେ ସପ୍ତାହାନ୍ତ ସଟଡାଉନ ଯୋଗୁଁ ଟିକାକରଣ ହେବ ନାହିଁ ବୋଲି ରାଜ୍ୟ ସ୍ବାସ୍ଥ୍ୟ ସଚିବ ପ୍ରଦିପ୍ତ ମହାପାତ୍ର କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
କରୋନା ସ୍ଥିତି ସମ୍ପର୍କରେ ରାଜ୍ୟବାସୀଙ୍କୁ ସୂଚନା ଦେଇ ସେ କହିଛନ୍ତି ଯେ ୩ୟ ପର୍ଯ୍ୟାୟରେ ୧.୯୨ କୋଟି ଲୋକ ଟିକା ନେବେ । ଟିକା ପାଇଁ ଦୁଇ କମ୍ପାନି ସେରମ ଇନଷ୍ଟିଚ୍ୟୁଟ ଓ ଭାରତ ବାୟୋଟେକ ସହ ଯୋଗାଯୋଗ କରାଯାଉଛି । ତେବେ ଟିକା କେବେ ଆସିବ ଜଣାପଡ଼ିନାହିଁ । ଟିକା ଆସିଲେ ହିଁ ଟିକାକରଣ ଆରମ୍ଭ ହେବ । ଦୁଇ କମ୍ପାନି ଟିକା ଯୋଗାଇବାକୁ ପ୍ରତିଶ୍ରୁତି ଦେଇଛନ୍ତି । ତା ପୂର୍ବରୁ ସମସ୍ତେ ପଂଜୀକରଣ କରନ୍ତୁ । ଟିକା ପହଞ୍ଚିବା ପରେ ଟିକାକରଣ ସମ୍ପର୍କରେ ଜଣାଇଦିଆଯିବ ।
ଅନ୍ୟପକ୍ଷରେ ରାଜ୍ୟରେ ଏପର୍ଯ୍ୟନ୍ତ ମୋଟ ୫୭.୭୬ ଲକ୍ଷ ଡୋଜ ଦିଆଯାଇଛି । ଆମ ରାଜ୍ୟରେ ଟିକା ଅପଚୟ ପରିମାଣ ବିଯୁକ୍ତ ୨.୭ ପ୍ରତିଶତ । ପ୍ରତ୍ୟେକ ଜିଲ୍ଲାରେ ୨ୟ ଡୋଜ୍ ନେବାକୁ ଥିବା ଲୋକମାନଙ୍କୁ ପ୍ରାଥମିକତା ଦିଆଯାଉଛି । କାରଣ ଉପଯୁକ୍ତ ସମୟରେ ୨ୟ ଡୋଜ ନଦେଲେ ପ୍ରଥମ ଡୋଜଟି ବେକାର ହୋଇଯିବ । ଏଣୁ ସେମାନଙ୍କୁ ଆଗ ସୁଯୋଗ ଦେବାକୁ ସେ ଲୋକମାନଙ୍କୁ ଅନୁରୋଧ କରିଛନ୍ତି ।