ପୁରୀ: ଶଙ୍ଖକ୍ଷେତ୍ରସ୍ଥିତ ପ୍ରଭୁ ଶ୍ରୀଜଗନ୍ନାଥଙ୍କର ଆସ୍ଥାନପୀଠ ନିକଟବର୍ତ୍ତୀ ଶ୍ରୀହରି ଗ୍ରାଣ୍ଡ ହୋଟେଲରେ ଶ୍ରୀକ୍ଷେତ୍ରର ଦୁଇ କଳାକାର ବିଶ୍ୱମୋହନ ରଥ ଓ ରାଜନନ୍ଦିନୀ ମହାପାତ୍ରଙ୍କର ପ୍ରସ୍ତୁତ ଚିତ୍ରକଳା ପ୍ରଦର୍ଶିତ ହୋଇଛି। ଏହା ମୁଖ୍ୟତଃ ଶ୍ରୀଜଗନ୍ନାଥଙ୍କର ସ୍ନାନମଣ୍ଡପ ଦିନଠାରୁ ନୀଳାଦ୍ରୀ ବିଜେ ପର୍ଯ୍ୟନ୍ତ ମାନବୀୟଲୀଳାର ବିଭିନ୍ନ ଦିଗ ଉପରେ ଅଙ୍କନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ନିଳାଦ୍ରୀ ବିହାରୀଙ୍କୁ ସମର୍ପିତ ମାନବୀୟଲୀଳା ସମ୍ପର୍କୀୟ ୪୦ଗୋଟି ଭିନ୍ନ ଭିନ୍ନ ଭାବଗତ ପାରମ୍ପରିକ ଚିତ୍ର କାଗଜ, ଜଳରଂଗ ଓ କାନଭାସ୍ ମାଧ୍ୟମରେ ପ୍ରଦର୍ଶିତ ହୋଇ ସେଠାରେ ସ୍ଥାନ ପାଇଛି। ଏହା ୧୮ ତାରିଖରୁ ଆରମ୍ଭ ହୋଇ ୨୨ ତାରିଖ ପର୍ଯ୍ୟନ୍ତ ଭକ୍ତ ଓ ଜନତାଙ୍କ ଦର୍ଶନାର୍ଥେ ସନ୍ଧ୍ୟା ୬ଟାରୁ ରାତି ୯ଟା ପର୍ଯ୍ୟନ୍ତ ଖୋଲା ରହିବାର ବ୍ୟବସ୍ଥା କରାଯାଇଛି।