ପୁରୀ: ରଥଯାତ୍ରା ରାୟର ପୁନର୍ବିଚାର ପାଇଁ ଲଢେଇ କରିବେ ସାଵରୀମାଳାର ଓକିଲ | ମହାପ୍ରଭୁ ଜଗନ୍ନାଥଙ୍କ ରଥଯାତ୍ରା ବାବଦରେ ସୁପ୍ରିମକୋର୍ଟ ଦେଇଥିବା ରାୟର ପୁନର୍ବିଚାର ପାଇଁ ଆବେଦନ ହୋଇଥିବା ମୋଡିଫିକେସନ୍ ପିଟିସନ୍ ମଧ୍ୟରୁ ଗୋଟିଏ ପିଟିସନ ପାଇଁ ଲଢ଼ିବେ ବରିଷ୍ଠ ଆଇନଜୀବୀ ସୁଭିଦତ୍ତ ସୁନ୍ଦରମ୍ | ଛତିଶା ନିଯୋଗ ନାୟକ ଜନାର୍ଦ୍ଦନ ପାଟଯୋଶୀ ମହାପାତ୍ରଙ୍କ ପକ୍ଷରୁ ରୁଜ୍ଜୁ ହୋଇଥିବା ପିଟିସନକୁ ସୁଭିଦତ୍ତ ଲଢ଼ିବେ | ତେବେ ସୁଭିଦତ୍ତଙ୍କ ବାବଦରେ କହିବାକୁ ଗଲେ ସେ ପୂର୍ବରୁ ସାଵରୀମାଳା ମନ୍ଦିରେ ମହିଳାଙ୍କ ପ୍ରବେଶ ନେଇ ସୁପ୍ରିମକୋର୍ଟରେ ହୋଇଥିବା ମାମଲା କେରଳ ରାଜପରିବାର ପକ୍ଷରୁ ଲଢ଼ିଥିଲେ |
Sambad is now on WhatsApp
Join and get latest news updates delivered to you via WhatsApp
କେରଳ ରାଜପରିବାରର ଓକିଲ ଥିବା ସୁଭିଦତ୍ତ କିଭଳି ସାଵରୀମାଳାର ନୀତି ଅକ୍ଷୁର୍ଣ୍ଣ ରହିବ ସେ ବାବଦରେ ସୁପ୍ରିମକୋର୍ଟରେ ଯୁକ୍ତି ଉପସ୍ଥାପନ କରିଥିଲେ | ଯେହେତୁ କେରଳ ରାଜପରିବାର ସାଵରୀମାଳା ମନ୍ଦିରକୁ ପ୍ରତିଷ୍ଠା କରିଥିଲେ, ତେଣୁ ବର୍ଷ ବର୍ଷର ପରମ୍ପରା କିଭଳି ବଜାୟ ରହିବ ସେ ନେଇ ସେ ନେଇ ପକ୍ଷ ରଖାଯାଇଥିଲା |
ଆଉ ନୀତି ପରମ୍ପରାକୁ ବଜାୟ ରଖିବା ସପକ୍ଷରେ ସବୁବେଳେ ଲଢ଼ୁଥିବା ଏହି ଓକିଲ ରଥଯାତ୍ରାକୁ କିଭଳି ସମ୍ପୂର୍ଣ୍ଣ ବନ୍ଦ ନ କରାଯାଇ ଓ ନୀତିକୁ ନ ଭାଙ୍ଗି ରଥଯାତ୍ରା କରାଯିବ ସେ ନେଇ ଯୁକ୍ତି ରଖିବେ | ଏହି ପ୍ରସଙ୍ଗ ବାବଦରେ ସମ୍ବାଦ ଡଟ ଇନକୁ ସୁଭିଦତ୍ତ କହିଛନ୍ତି ଯେ ଏହି ମାମଲା କେବେ ଶୁଣାଣି ହେବ ସେ ନେଇ ସ୍ପଷ୍ଟ ହୋଇନଥିଲେ ବି ମାମଲାର ଗୁରୁତ୍ୱ ବାବଦରେ ସୁପ୍ରିମକୋର୍ଟର ରେଜିଷ୍ଟ୍ରାରଙ୍କୁ ଅବଗତ କରାଯାଇଛି | ଆଉ ସମୟ ନଥିବାରୁ ସୋମବାର ଦିନ ଶୁଣାଣି କରିବାକୁ ତାଙ୍କୁ ଅନୁରୋଧ କରାଯାଇଛି |
ଦୁଇଦିନ ତଳେ ରଥଯାତ୍ରା ବନ୍ଦ ହେବା ନେଇ ସୁପ୍ରିମକୋର୍ଟ ରାୟ ଦେଇଥିଲେ | ଏହାର ପୁନର୍ବିଚାର କରିବା ପାଇଁ ଏକାଧିକ ପିଟିସନ ଦାୟର କରାଯାଇଛି ଆଉ ଛତିଶା ନିଯୋଗ ନାୟକଙ୍କ ଓକିଲ ଭାବେ ପିଟିସନକୁ ସୁଭିଦତ୍ତ ସୁନ୍ଦରମ ଲଢ଼ିବେ |