ସାତପଡ଼ାରୁ ଜହ୍ନିକୁଦା ଚାଲିବ ରୋରୋଭେସଲ୍- ‘ଏମ୍.ଭି ଭୁପେନ୍ ହଜାରିକା’
ଅନ୍ତର୍ଦେଶୀୟ ଜଳପଥ କର୍ତ୍ତୃପକ୍ଷ-ଓଡ଼ିଶା ସରକାରଙ୍କ ମଧ୍ୟରେ ବୁଝାମଣା ପତ୍ର ସ୍ବାକ୍ଷରିତ
ଭୁବନେଶ୍ବର : ପୁରୀ ଜିଲ୍ଲାର ବ୍ରହ୍ମଗିରି ବ୍ଲକ୍ର ସାତପଡ଼ାଠାରୁ କୃଷ୍ଣ ପ୍ରସାଦ ବ୍ଲକ୍ର ଜହ୍ନିକୁଦା ମଧ୍ୟରେ ରୋରୋ ଭେସେଲ୍ ‘ଏମ୍ଭି ଭୁେପନ୍ ହଜାରିକା’ ଚଳାଚଳ କରିବ। ଏହାର ମରାମତି ଓ ପରିଚାଳନା ନିମନ୍ତେ ସୋମବାର ଭାରତ ସରକାରଙ୍କ ଅନ୍ତଃରାଜ୍ୟ ଜଳପଥ କର୍ତ୍ତୃପକ୍ଷ ଏବଂ ଓଡ଼ିଶା ସରକାରଙ୍କ ବାଣିଜ୍ୟ ଓ ପରିବହନ ବିଭାଗ ମଧ୍ୟରେ ବୁଝାମଣା ପତ୍ର ସ୍ୱାକ୍ଷରିତ ହୋଇଛି। ସ୍ୱାକ୍ଷର କରିଛନ୍ତି। ବାଣିଜ୍ୟ ଓ ପରିବହନ ମନ୍ତ୍ରୀ ଶ୍ରୀ ପଦ୍ମନାଭ ବେହେରାଙ୍କ ଉପସ୍ଥିତିରେ ଏହି ବୁଝାମଣା ପତ୍ର ସ୍ୱାକ୍ଷରିତ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ଅବସରରେ ମନ୍ତ୍ରୀ ଶ୍ରୀ ବେହେରା କହିଥିଲେ ଯେ ଚିଲିକା ହେଉଛି ଭାରତର ବୃହତ୍ତମ ହ୍ରଦ ଏବଂ ଏହାର ସୀମା ପୁରୀ, ଖୋର୍ଦ୍ଧା ଓ ଗଞ୍ଜାମ ଜିଲ୍ଲାକୁ ସଂଯୋଗ କରୁଛି। ବର୍ତ୍ତମାନ ଚିଲିକା ଉନ୍ନୟନ କର୍ତ୍ତୃପକ୍ଷଙ୍କ ଦ୍ୱାରା ପୁରୀ ଜିଲ୍ଲାର ସାତପଡ଼ାଠାରୁ କୃଷ୍ଣପ୍ରସାଦ ବ୍ଲକ୍ର ଜହ୍ନିକୁଦାକୁ ଭେସେଲ ୍ସାହାଯ୍ୟରେ ଯାତ୍ରୀ ଓ ମୋଟରଯାନ ପରିବହନ ସେବା େଯାଗାଇ ଦିଆଯାଉଛି। ଏହି ସେବା ଦ୍ୱାରା ଗଞ୍ଜାମରୁ ପୁରୀ ଜିଲ୍ଲା ପାଇଁ ସଡ଼କ ପଥରେ ପଡ଼ୁଥିବା ସୁଦୀର୍ଘ ଦୂରତାକୁ କମ କରାଯାଇ ପାରୁଛି। ଏହାକୁ ଦୃଷ୍ଟିରେ ରଖି ସାତପଡ଼ାରୁ ଜହ୍ନିକୁଦାକୁ ରୋରୋ ଭେସେଲ୍-ଏମ୍ଭି ଭୂେପନ ହଜାରିକା ଚଳାଚଳ କରିବ।
ଏହି କାର୍ଯ୍ୟକ୍ରମରେ ଅନ୍ତଃରାଜ୍ୟ ଜଳପଥ କର୍ତ୍ତୃପକ୍ଷ ଅଧ୍ୟକ୍ଷ ଡ. ଅମିତା ପ୍ରସାଦ, ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ଶାସନ ସଚିବ ମଧୁସୂଦନ ପାଢ଼ୀ, ପର୍ଯ୍ୟଟନ ନିର୍ଦ୍ଦେଶକ ସଚିନ ରାମଚନ୍ଦ୍ର ଯାଦବ, ଅତିରିକ୍ତ ଶାସନ ସଚିବ, ବାଣିଜ୍ୟ ଓ ପରିବହନ ବିଭାଗର ଲକ୍ଷ୍ମୀକାନ୍ତ ବେହେରା, ଚିଲିକା ଉନ୍ନୟନ କର୍ତ୍ତୃପକ୍ଷର ମୁଖ୍ୟ କାର୍ଯ୍ୟନିର୍ବାହୀ ତଥା ପରିବେଶ ନିର୍ଦ୍ଦେଶକ ସନ୍ତୋଷ ନନ୍ଦ ଏବଂ ବିଭାଗୀୟ ଅନ୍ୟ ବରିଷ୍ଠ ଅଧିକାରୀମାନେ େଯାଗଦେଇଥିଲେ।
ରୋରୋ ଭେସେଲ୍, ଏମ୍ଭି ଭୁେପନ୍ ହଜାରିକାରେ ଏକ ସମୟରେ ୮ଟି ଟ୍ରକ/ବସ୍ ସହ ୧୦୦ ଜଣ ଯାତ୍ରୀ ପରିବହନ ହୋଇପାରିବ।