ଏଆଇସିସି ତାଲିକାକୁ ନେଇ ରାଜ୍ୟ କଂଗ୍ରେସରେ ଅସନ୍ତୋଷ ବଢୁଛି
ଭୁବନେଶ୍ୱର: ଅଲ ଇଣ୍ଡିଆ କଂଗ୍ରେସ କମିଟି (ଏଆଇସିସି)ରୁ ୯ ଓଡ଼ିଶା ବିଧାୟକ ବାଦ ପଡିବା ନେଇ ରାଜ୍ୟ କଂଗ୍ରେସରେ ଅସନ୍ତୋଷ ବଢିବାରେ ଲାଗିଛି । ଲୋକଙ୍କ ଦ୍ୱାରା ନିର୍ବାଚିତ ହୋଇଥିବା ଜନପ୍ରତିନିଧିମାନେ ବାଦ ପଡିବା ଦୁର୍ଭାଗ୍ୟଜନକ ବୋଲି ଏହି ବିଧାୟକମାନେ ପ୍ରକାଶ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହା ଆଦୌ ଗ୍ରହଣୀୟ ନୁହେଁ, ଏହା ଏକ ଭୁଲ ବାର୍ତ୍ତା ଦେଉଛି ବୋଲି କହିଛନ୍ତି ତଳସରା ବିଧାୟକ ପ୍ରଫୁଲ୍ଲ ମାଝି । ସେ କହିଛନ୍ତି ଯେ ଯେଉଁମାନେ ଲୋକଙ୍କ ଦ୍ୱାରା ନିର୍ବାଚିତ ହୋଇଛନ୍ତି ସେମାନଙ୍କୁ ଏଆଇସିସିରୁ ବାଦ ଦେବା ଠିକ ହୋଇନାହିଁ । ଅନ୍ୟପକ୍ଷରେ ସୁନ୍ଦରଗଡ଼ ବିଧାୟକ ଯୋଗେଶ ସିଂ କହିଛନ୍ତି ଯେ ଏଆଇସିସିରେ କାହାକୁ ରଖିବେ କାହାକୁ ନ ରଖିବେ ଏହା ହାଇକମାଣ୍ଡ ନିଷ୍ପତ୍ତି , କିନ୍ତୁ ମୁଁ ମୋ ଅଂଚଳର ବିକାଶ ଲାଗି କାର୍ଯ୍ୟ କରିଚାଲିବି ।
ସୂଚନାଯୋଗ୍ୟ ଯେ ଆଜି ଓଡ଼ିଶା ପାଇଁ ଏଆଇସିସିର ୭୮ ଜଣିଆ ସଭ୍ୟ ତାଲିକା ପ୍ରକାଶ ପାଇଛି । ଏଥିରେ ବର୍ତ୍ତମାନର ପିସିସି ସଭାପତି ଓ ସବୁ ପୂର୍ବତନ ପିସିସି ସଭାପତି ରହିଥିବାବେଳେ ତାରା ବାହିନୀପତି, ଯୋଗେଶ ସିଂ, ପ୍ରଫୁଲ୍ଲ ମାଝି ଓ ଅନନ୍ତ ସେଠୀଙ୍କ ସମେତ ୯ ବିଧାୟକ ବାଦ ପଡିଛନ୍ତି । ପିସିସି ସଭାପତିଙ୍କୁ ବିରୋଧ କରୁଥିବାରୁ ଏମାନେ ବାଦ ପଡିଥିବା କୁହାଯାଉଛି । ତେବେ ତାରା ବାହିନୀପତିଙ୍କ ପତ୍ନୀ ମିନାକ୍ଷୀ ବାହିନୀପତି ଏହି ତାଲିକାରେ ରହିଛନ୍ତି । ଅନ୍ୟପକ୍ଷରେ ବିରୋଧୀଦଳ ନେତା ନରସିଂହ ମିଶ୍ର, ଚିରଞ୍ଜିବୀ ବିଶ୍ୱାଳ, ଭୁଜବଳ ମାଝି,ନବ ଦାସ,କୈଳାଶ କୁଲେସିକା, କୃଷ୍ଣ ସଗରିଆ ସ୍ଥାନ ପାଇଛନ୍ତି ।