ଭଞ୍ଜନଗର ବନ ବିହାର, ନେଚର୍ କ୍ୟାମ୍ପ୍ ଖୋଲିବାକୁ ଅନୁମତି କେବେ?
ନିରାଶରେ ଫେରୁଛନ୍ତି ପର୍ଯ୍ୟଟକ, ବୁକିଂ ବନ୍ଦ ଯୋଗୁଁ ରାଜସ୍ବ କ୍ଷତି
ସହର ଉପକଣ୍ଠ ଫୁଲବାଣୀ ରାସ୍ତାର ନିକଟ ବନ ବିହାର ପରିସରରେ ଥିବା ‘ଡ୍ୟାମ୍ ସାଇଟ୍ ଟିମ୍ବର ହାଉସ’ ଓ ବ୍ରହ୍ମପୁର ରାସ୍ତାର ଶାଳୁଆପଲ୍ଲୀ ଠାରେ ‘ବ୍ଳାକ୍ବକ୍ ଟିମ୍ବର ହାଉସ୍’ରେ ଅତ୍ୟାଧୁନିକ ଭିତ୍ତିଭୂମି ସହ ପର୍ଯ୍ୟଟକଙ୍କ ପାଇଁ ବିଳାସପୂର୍ଣ୍ଣ ଆନୁଷଙ୍ଗିକ ବ୍ୟବସ୍ଥା କରାଯାଇଛି। ଏଥିସହ କାଳିଆମ୍ବା ଜଙ୍ଗଲ ଭିତରେ ‘ଜିଆଣ୍ଟ୍ ସ୍କ୍ବାରେଲ୍’ନେଚର୍ କ୍ୟାମ୍ପ୍କୁ ପ୍ରତିବର୍ଷ ଶତାଧିକ ପର୍ଯ୍ୟଟକ ଆସି ପ୍ରାକୃତିକ ପରିବେଶକୁ ମନଭରି ଉପଭୋଗ କରୁଛନ୍ତି। ଉଡ଼୍ ହାଉସ୍ରେ ରହିବାକୁ ଅନଲାଇନ୍ରେ ବୁକିଂ ହେଉଛି। ‘ବନ ବିହାର’ ବୁଲିବା ପାଇଁ ୫ ଟଙ୍କା ଟିକଟ ଧାର୍ଯ୍ୟ କରାଯାଇଛି। ନେଚର୍ କ୍ୟାମ୍ପ୍ରେ ସୁନ୍ଦର ଲନ୍, ଦୋଳି, ତମ୍ବୁଘର, ଫାଉଣ୍ଟେନ୍ ଓ ସୁନ୍ଦର ଆଲୋକ ସଜ୍ଜା ଆଦି ନିର୍ମାଣ କରାଯାଇଛି। କିନ୍ତୁ କରୋନା ମହାମାରୀ ଯୋଗୁଁ ୨୦୨୦-୨୧ ଆର୍ଥିକ ବର୍ଷରେ ବୁକିଂ ବନ୍ଦ ରହିଥିବାରୁ ବହୁ ରାଜସ୍ବ କ୍ଷତି ସହିବାକୁ ପଡୁଛି।