ବଜ୍ରାଘାତରେ ଦୁଇ ଚାଷୀ ମୃତ
କାମାକ୍ଷାନଗର/ଭୁବନ : କାମାକ୍ଷାନଗର ଥାନା ହାଟୁଆରି ଗାଁରେ ବଜ୍ରପାତ ଘଟି ୨ ଜଣ ଚାଷୀ ପ୍ରାଣ ହରାଇଛନ୍ତି। ଏହି ଦୁଇଜଣ ହେଲେ, ଅନ୍ତର୍ଯ୍ୟାମୀ ନାୟକ(୪୫) ଓ ବେଢ଼ାପାଳ ଗାଁର ମଙ୍ଗରାଜ ବେହେରା(୪୨)।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆଜି ଅପରାହ୍ନରେ ହାଟୁଆରି ଅଞ୍ଚଳରେ ଘଡ଼ଘଡ଼ି ସହ ବର୍ଷା ହୋଇଥିଲା। ଅନ୍ତର୍ଯ୍ୟାମୀ ଓ ମଙ୍ଗରାଜ ନିଜ ନିଜ ଜମିରେ କାମ କରିବା ସମୟରେ ଉଭୟଙ୍କ ଉପରେ ବଜ୍ରାଘାତ ହୋଇଥିଲା। ପରିବାର ସଦସ୍ୟ ସେମାନଙ୍କୁ ଉଦ୍ଧାର କରି କାମାକ୍ଷାନଗର ଡାକ୍ତରଖାନାରେ ଭର୍ତି କରିଥିଲେ। ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ।