ଆଇପିଏଲ ୧୧: ହାଇଦ୍ରାବାଦକୁ ୧୫ ରନ୍ରେ ହରାଇଲା ପଞ୍ଜାବ
ମୋହାଲି: କିଙ୍ଗସ୍ ଇଲେଭେନ୍ ପଞ୍ଜାବ ୧୫ ରନ୍ରେ ହାଇଦ୍ରାବାଦ୍କୁ ପରାସ୍ତ କରିଛି। ୧୯୪ ରନ୍ ବିଜୟ ଲକ୍ଷ୍ୟ ନେଇ ହାଇଦ୍ରାବାଦ ୨୦ ଓଭରରେ ୪ଟି ଓ୍ଵିକେଟ୍ ହରାଇ ୧୭୮ ରନ୍ ସଂଗ୍ରହ କରିଛି।
ଋଦ୍ଧିମାନ ଶାହା ୬ ରନ୍, ଅଧିନାୟକ କେନ୍ ଓ୍ଵିଲିୟମସନ୍ ୫୪ ରନ୍, ୟୁସୁଫ ପଠାନ ୧୯ ରନ୍, ମନୀଷ ପାଣ୍ଡେ ଅପରାଜିତ ୫୭ ରନ୍, ଦିପକ ହୁଡ଼ା ୫ ରନ, ସାକିବୁଲ ହାସନ୍ ଅପରାଜିତ ୨୪ ରନ୍ ସଂଗ୍ରହ କରିଛନ୍ତି। ହାଇଦ୍ରାବାଦ୍ ୧୪ ରନ୍ରେ ପ୍ରଥମ ଓ୍ଵିକେଟ୍, ୩୭ ରନ୍ରେ ୨ୟ ଓ୍ଵିକେଟ, ୧୧୩ ରନ୍ରେ ୩ୟ ଓ୍ଵିକେଟ ଓ ୧୩୩ ରନ୍ରେ ୪ର୍ଥ ଓ୍ଵିକେଟ ହରାଇଥିଲା। ପଞ୍ଜାବର ମୋହିତ ଶର୍ମା ଓ ଆଣ୍ଡ୍ରୁ ଟେ ୨-୨ ଓ୍ଵିକେଟ ନେଇଥିଲେ।
ପୂର୍ବରୁ ବିସ୍ଫୋରକ ବ୍ୟାଟସ୍ମ୍ୟାନ୍ କ୍ରିସ ଗେଲଙ୍କ ଅପରାଜିତ ଶତକ (୧୦୪ ରନ୍, ୬୩ ବଲ, ୩ଟି ଚୌକା, ୧୧ଟି ଛକା) ବଳରେ କିଙ୍ଗସ୍ ଇଲେଭେନ୍ ପଞ୍ଜାବ ଆଇପିଏଲର ୧୬ତମ ମ୍ୟାଚ୍ରେ ଗୁରୁବାର ସନ୍ରାଇଜର୍ସ ହାଇଦ୍ରାବାଦକୁ ୧୯୪ ରନ୍ ଟାର୍ଗେଟ ଦେଇଥିଲା। ମୋହାଲିର ଆଇଏସ୍ ବିନ୍ଦ୍ରା ଷ୍ଟାଡିୟମରେ ପଞ୍ଜାବ ନିର୍ଦ୍ଧାରିତ ୨୦ ଓଭରରେ ୩ଟି ଓ୍ଵିକେଟ୍ ହରାଇ ୧୯୩ ରନ୍ ସଂଗ୍ରହ କରିଥିଲା।
ପଞ୍ଜାବର ଲୋକେଶ ରାହୁଲ ୧୮ ରନ୍, କ୍ରିସ୍ ଗେଲ ୧୦୪ ରନ୍, ମୟଙ୍କ ଅଗ୍ରଓ୍ଵାଲ ୧୮ ରନ୍, କରୁଣ ନାୟାର ୩୧ ରନ୍, ଅରୁଣ ଫିଞ୍ଚ ଅପରାଜିତ ୧୪ ରନ୍ ସଂଗ୍ରହ କରିଥିଲା। ପଞ୍ଜାବ ୫୩ ରନ୍ରେ ପ୍ରଥମ ଓ୍ଵିକେଟ୍, ୮୩ ରନ୍ରେ ୨ୟ ଓ୍ଵିକେଟ୍, ୧୬୮ ରନ୍ରେ ୩ୟ ଓ୍ଵିକେଟ୍ ପଡ଼ିଥିଲା। ଭୁବନେଶ୍ୱର କୁମାର, ରସିଦ ଖାଁ ଓ ସିଦ୍ଧାର୍ଥ କାଉଲ ଗୋଟିଏ ଲେଖାଏଁ ଓ୍ଵିକେଟ ନେଇଥିଲେ।