ମିଛ ପରିଚୟ ଦେଇ ‘ବିଗ୍ ବସ୍’ ଘରେ ପ୍ରବେଶ କରିଛନ୍ତି ଏହି ପ୍ରତିଯୋଗୀ, କାମ ଏବଂ ନାମକୁ ନେଇ କହିଛନ୍ତି ମିଛ !
ମୁମ୍ବାଇ : ଦେଶର ସବୁଠାରୁ ବଡ଼ ଏବଂ ଲୋକପ୍ରିୟ ରିୟାଲିଟି ସୋ’ ‘ବିଗ୍ ବସ୍’ ଆରମ୍ଭ ହେବାର ୪ଦିନ ପରେ ଜଣେ ପ୍ରତିଯୋଗୀଙ୍କ ଅସଲ ଚେହେରା ସାମ୍ନାକୁ ଆସିଛି । ମିଛ ପରିଚୟ ଦେଇ ପ୍ରତିଯୋଗୀ ଜଣଙ୍କ ଘରକୁ ପ୍ରବେଶ କରିବା କଥା ପ୍ରଚାର ହେବା ପରେ ଏବେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ପ୍ରତିଯୋଗୀଜଣଙ୍କ ନିଜ ନାଁ ଏବଂ ନିଜ ପେସା ବିଷୟରେ ମିଛ କହିଥିବା ଜଣା ପଡ଼ିବା ପରେ ଏବେ ବିଗ୍ ବସ୍ର ଟିଆର୍ପି ବଢ଼ିବାକୁ ଲାଗିଛି । ଏଠାରେ ଯେଉଁ ପ୍ରତିଯୋଗୀଙ୍କ ବିଷୟରେ କୁହାଯାଉଛି ସେ ହେଉଛନ୍ତି ସୌରଭ ପଟେଲ।
Sambad is now on WhatsApp
Join and get latest news updates delivered to you via WhatsApp
ସୌରଭ ଶିବାଶିଷ ମିଶ୍ରଙ୍କ ଯୋଡ଼ିଦାର ହୋଇଥିବା ବେଳେ ଏବେ ସୌରଭଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି । ଅନୁପ୍-ଜସ୍ଲୀନ୍ ଏବଂ ଶ୍ରୀସନ୍ଥଙ୍କ ପରେ ଏବେ ସୌରଭଙ୍କ ପାଇଁ ଏହି ସୋ’କୁ ନେଇ ଚର୍ଚ୍ଚା ଜୋର ଧରିଛି । ସୂଚନା ମୁତାବକ, ସୌରଭଙ୍କ ଅସଲ ନାମ ସାହିଲ ରାମେଶ୍ୱର ପଟେଲ ବୋଲି ଜଣା ପଡ଼ିବା ସହ ସେ ପୂର୍ବରୁ ଆସିଷ୍ଟାଣ୍ଟ କାଷ୍ଟିଙ୍ଗ ଡ଼ିରେକ୍ଟର ଭାବେ କାମ କରୁଥିଲେ ବୋଲି ଜଣା ପଡ଼ିଛି । ନିଜକୁ ଚାଷୀ ବୋଲି କହୁଥିବା ସୌରଭ ରଶ୍ମୀ ଶର୍ମା ଏବଂ ବିଏଜି ଫିଲ୍ମ ଭଳି ପ୍ରଡ଼କ୍ସନ ହାଉସ୍ରେ ଆସିଷ୍ଟାଣ୍ଟ କାଷ୍ଟିଙ୍ଗ ଡ଼ିରେକ୍ଟର ଭାବେ କାମ କରି ସାରିଛନ୍ତି । ଏହାର ଖୁଲାସା ସୌରଭଙ୍କ ଜଣେ ସହକର୍ମୀ ଏକ ନିଉଜ୍ େଓ୍ଵବ୍ସାଇଟ୍କୁ ଦେବା ପରେ ଏହା ସାମ୍ନାକୁ ଆସି ପାରିଛି ।