ବୋଧଗୟାରୁ ଲାଲୁଙ୍କ ବଡ଼ପୁଅ ତେଜପ୍ରତାପ ନିଖୋଜ
ବୋଧଗୟା: ରାଷ୍ଟ୍ରୀୟ ଜନତା ଦଳ ସୁପ୍ରିମୋ ଲାଲୁପ୍ରସାଦ ଯାଦବଙ୍କ ବଡ଼ ପୁଅ ତେଜ ପ୍ରସାଦ ଯାଦବ ନିଜର ସୁରକ୍ଷା କର୍ମୀଙ୍କୁ ଚକମା ଦେଇ ନିଖୋଜ ହୋଇଯାଇଥିବା ଖବର ମିଳିଛି। ସେ ବିହାର ବୋଧଗୟାର ଏକ ହୋଟେଲରେ ଅବସ୍ଥାନ କରୁଥିବା ସମୟରେ ଲୁଚିି ପଳାୟନ କରିଥିବା ପୁଲିସ ସୂତ୍ରରୁ ପ୍ରକାଶ। ପତ୍ନୀ ଐଶ୍ୱର୍ଯ୍ୟା ରାୟଙ୍କୁ ଛାଡପତ୍ର ଲାଗି ଆବେଦନ କରିବା ପରେ ପରେ ଏହି ଘଟଣା ଘଟିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରାଞ୍ଚିରେ ଜେଲରେ ଥିବା ବାପା ଲାଲୁ ପ୍ରସାଦଙ୍କୁ ଭେଟି ତେଜ ପ୍ରତାପ ବିହାରର ରାଜଧାନୀ ପାଟନା ଫେରୁଥିଲେ। ଫେରନ୍ତା ରାସ୍ତାରେ ସେ ବୋଧଗୟାରେ ରାତ୍ରିଯାପନ ଲାଗି ଏକ ହୋଟେଲରେ ରହିଥିଲେ। ହୋଟେଲରେ ଥିବା ସମୟରେ ସେ ଫାନ୍ରେ ପରିବାର ଲୋକଙ୍କ ସହ କଥାବାର୍ତ୍ତା ହେବା ପରେ ହୋଟେଲ୍ ରୁମ୍ ଭିତରକୁ ପଶିଯାଇ ଭିତରୁ କବାଟ ବନ୍ଦ କରି ଦେଇଥିଲେ। ବାହାରେ ଥିବା ତାଙ୍କର ସୁରକ୍ଷା କର୍ମୀମାନେ ବହୁ ସମୟ ପର୍ଯ୍ୟନ୍ତ ତେଜପ୍ରତାପ କବାଟ ନ ଖୋଲିବାରୁ ହୋଟେଲ କର୍ମଚାରୀଙ୍କ ସହାୟତାରେ ରୁମ୍ ଖୋଲାଇଥିଲେ। ସେତେବେଳକୁ ପଛପଟେ ଥିବା ଏକ କବାଟ ଦେଇ ତେଜପ୍ରତାପ ପଳାୟନ କରିଥିବା ସାମ୍ନାକୁ ଆସିଥିଲା। ସେ ଉତ୍ତରପ୍ରଦେଶର ବାରଣାସୀ କିମ୍ବା ବୃନ୍ଦାବନ ଯାଇ ପାରିଥାନ୍ତି ବୋଲି ଅନୁମାନ କରାଯାଇଛି।
ଉଲ୍ଲେଖଯୋଗ୍ୟ କି ଚଳିତ ବର୍ଷ ମେ ୧୨ ତାରିଖରେ ଆର୍ଜେଡି ନେତା ଚନ୍ଦ୍ରିକା ରାଏଙ୍କ ଝିଅ ସହ ତେଜପ୍ରତାପଙ୍କ ବିବାହ ହୋଇଥିଲା। ମାତ୍ର ପତି-ପତ୍ନୀଙ୍କ ଭିତରେ ସଂପର୍କ ଭଲ ରହି ନଥିଲା। ଫଳରେ ତେଜପ୍ରତାପ ଐଶ୍ୱର୍ଯ୍ୟାଙ୍କୁ ଛାଡପତ୍ର ଦେବା ଲାଗି ଅଦାଲତରେ ଆବେଦନ କରିଥିଲେ।