ଏଣିକି ଟ୍ରେନ୍ରେ ଶସ୍ତାରେ ମିଳିବ ଖାଦ୍ୟ, ଦେବାକୁ ପଡିବନି ଏକ୍ସଟ୍ରା ଟଙ୍କା
ନୂଆଦିଲ୍ଲୀ : ଭାରତୀୟ ରେଳବାଇ ଯାତ୍ରୀମାନଙ୍କର ସୁବିଧା ନିମନ୍ତେ ଅନେକ ଯୋଜନାମାନ କାର୍ଯ୍ୟକାରୀ କରୁଛନ୍ତି। ଯାହାଫଳରେ ଲୋକମାନେ ଟ୍ରେନରେ ଆରାମଦାୟକ ଓ ସୁବିଧାଜନକ ଯାତ୍ରା କରିପାରିବେ। ଏବେ ଏହାକୁ ଆଖି ଆଗରେ ରଖି ରେଳବାଇ ଏକ ନୂଆ ସେବା ଆରମ୍ଭ କରିଛି । ଟ୍ରେନରେ ଅଧିକାଂଶ ସମୟରେ ଯାତ୍ରୀଙ୍କୁ ଖାଇବା-ପିଇବା ଜିନିଷ ଖୋଜିବାକୁ ବହୁତ ହଇରାଣ ହେବାକୁ ପଡେ ଏବଂ ଦାମ ବି ଅଧିକ ଦେବାକୁ ପଡେ । କିନ୍ତୁ ଏବେ ଆଇଆରସିଟିସିର ନୂଆ ସେବା ଜରିଆରେ ଆପଣଙ୍କ ଏହି ଅଭିଯୋଗ ଦୂର ହୋଇପାରେ ।
Sambad is now on WhatsApp
Join and get latest news updates delivered to you via WhatsApp
ଅତିଶୀଘ୍ର ଆଇଆରସିଟିସି ଟ୍ରେନରେ ପଏଣ୍ଟ ଅଫ୍ ସେଲ୍ ହେଣ୍ଡହେଲ୍ଡ ମେସିନ୍ ଜରିଆରେ ପେମେଣ୍ଟ ସୁବିଧା ଆରମ୍ଭ କରିବ। ପିଓଏସ୍ ମେସିନ୍ ଜରିଆରେ କ୍ରେଡିଟ୍ କାର୍ଡ ଓ ଡେବିଟ୍ କାର୍ଡରୁ ପେମେଣ୍ଟ କରିବା ଉପରେ ତୁରନ୍ତ ବିଲ୍ ଜେନେରେଟ୍ ହୋଇଯିବ । ଏହାଦ୍ୱାରା ଓଭର ଚାର୍ଜିଙ୍ଗର ଅଭିଯୋଗ ବହୁତ କମିଯିବ ।
ଆଇଆରସିଟିସି ତରଫରୁ ଭାରତୀୟ ଟ୍ରେନ୍ ଗୁଡିକରେ ୨ହଜାରରୁ ବି ଅଧିକ ପଏଣ୍ଟ ଅଫ୍ ସେଲ୍ ହେଣ୍ଡହେଲ୍ଡ ମେସିନ୍ ଲଗାଯିବ । ଏହାଦ୍ୱାରା ଜିନିଷ କିଣିଲେ, ହାତକୁ ହାତ ଯାତ୍ରୀଙ୍କୁ ବିଲ ମିଳିପାରିବ । ପ୍ରକୃତରେ ରେଳବାଇରେ ନିକଟରେ ଭେଣ୍ଡରଙ୍କ ଦ୍ୱାରା ଅଧିକ ଟଙ୍କା ନେଉଥିବାର ଅଭିଯୋଗ ଆସିଥିଲା । ଏହା ଦ୍ୱାରା ଆଇଆରସିଟିସି ର ଏହି ପଦକ୍ଷେପ ଦ୍ୱାରା ଭାରତୀୟ ରେଳର କ୍ୟାଟରିଙ୍ଗ ସିଷ୍ଟମରେ ପାରଦର୍ଶିତା ଆସିବ । ଏହା ସହିତ ଯାତ୍ରୀ ମଧ୍ୟ ନିଜ ବିଲକୁ ନେଇ ଅଧିକ ସଚେତନ ରହିବେ । ଏହି ଯୋଜନା ଠିକରେ କାମ କରୁଛି ନା ନାହିଁ ଦେଖିବାକୁ ସମସ୍ତ ମେଲ୍/ଏକ୍ସପ୍ରେସ୍ ଟ୍ରେନରେ ଏକ ବିଶେଷ ଯାଂଚ ଆରମ୍ଭ କରାଯିବ । ଏହି ଯାଂଚ ୨୬ ଜାନୁୟାରୀରୁ ଆରମ୍ଭ ହୋଇ ୧୫ ଫେବୃୟାରୀ ପର୍ଯ୍ୟନ୍ତ ଚାଲିବ ।