ପୁଣି ଇଭିଏମକୁ ନେଇ ପ୍ରଶ୍ନ ଉଠାଇଲେ ବିରୋଧୀ, ସବୁ ବୁଥରେ ଭିଭିପାଟ ଗଣତି ପାଇଁ ନିର୍ବାଚନ କମିଶନଙ୍କ ନିକଟରେ ଦାବି
ନୂଆଦିଲ୍ଲୀ : ଆସନ୍ତା ୨୩ରେ ଦେଶରେ ଭୋଟ ଗଣତି ହେବାକୁ ଥିବାବେଳେ ବିରୋଧୀ ଦଳମାନେ ପୁଣିଥରେ ଇଲେକ୍ଟ୍ରୋନିକ ଭୋଟିଂ ମେସିନ (ଇଭିଏମ)କୁ ନେଇ ଆପତ୍ତି ଉଠାଇଛନ୍ତି । ୨୨ ଟି ବିରୋଧୀ ଦଳର ନେତାମାନେ ଆଜି ନିର୍ବାଚନ କମିଶନରଙ୍କୁ ସାକ୍ଷାତ କରି ଗଣତି ଆରମ୍ଭ ପୂର୍ବରୁ ଭିଭିପାଟ୍ ଗଣତି କରି ତାହାକୁ ଇଭିଏମ ସହିତ ମିଳାଇବାକୁ ଦାବି କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଯଦି ଏଥିରେ ଅସଙ୍ଗତି ଦେଖା ଦିଏ ତେବେ ଉକ୍ତ ନିର୍ବାଚନ ମଣ୍ଡଳୀର ସବୁ ଭୋଟ ଗ୍ରହଣ କେନ୍ଦ୍ରର ଇଭିଏମ ସହ ଭିଭିପାଟ୍ ଗଣତି ମେଳାଇବାକୁ ସେମାନେ ଦାବି କରିଛନ୍ତି । କଂଗ୍ରେସ ନେତା ଗୁଲାମ ନବି ଆଜାଦ ଗଣମାଧ୍ୟମକୁ କହିଛନ୍ତି ଯେ ଭିଭିପାଟ ଗଣତି ସହ ଇଭିଏମ ଗଣତି ମଧ୍ୟରେ ଅମେଳ ଦେଖାଗଲେ ସବୁ ପୋଲିଂ ବୁଥର ଭିଭିପାଟ ଓ ଇଭିଏମ ଗଣତି କରାଯାଉ । ଟିଡିପି ନେତା ଏନ ଚନ୍ଦ୍ରବାବୁ ନାଇଡୁ କହିଛନ୍ତି ଯେ କମିଶନ ଲୋକଙ୍କ ମତକୁ ସମ୍ମାନ ଜଣାଇବା ଜରୁରୀ । ତାହାକୁ ବଦଳାଇ ହେବ ନାହିଁ । ଏହି ଦଳରେ ବିଏସପି, ଏସପି, ନାସନାଲ କନଫରେନ୍ସ, ଡିଏମକେ, ଆପ ଆଦି ଦଳର ପ୍ରତିନିଧିମାନେ ମଧ୍ୟ ଥିଲେ ।