ମୁମ୍ବାଇ : ଫଳାଫଳ ପ୍ରକାଶ ପାଇବାର ୫ ଦିନ ହୋଇଥିଲେ ମଧ୍ୟ ମହାରାଷ୍ଟ୍ରରେ ସରକାର ଗଠନ ନେଇ ଅଚଳାବସ୍ଥା ଜାରି ରହିଛି । ଆଜି ମହାରାଷ୍ଟ୍ର ମୁଖ୍ୟମନ୍ତ୍ରୀ ତଥା ବିଜେପି ବିଧାୟକ ଦଳ ନେତା ଦେବେନ୍ଦ୍ର ଫଡନବୀସ କହିଛନ୍ତି ଯେ ୫୦-୫୦ ଫର୍ମୁଲା ନେଇ ଏପର୍ଯ୍ୟନ୍ତ ଶିବସେନା ସହିତ କୌଣସି ଆଲୋଚନା ହୋଇନାହିଁ । ଶିବସେନାକୁ ମୁଖ୍ୟମନ୍ତ୍ରୀ ପଦ ପ୍ରଦାନ ସଂପର୍କରେ ବିଜେପି ଅଧ୍ୟକ୍ଷ କୌଣସି ନିଷ୍ପତ୍ତି ନେଇନାହାନ୍ତି ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଶିବସେନା ମୁଖପାତ୍ର ସଂଜୟ ରାଉତ କହିଥିଲେ ଯେ ମହାରାଷ୍ଟ୍ରରେ କୌଣସି ଦ୍ୟଷ୍ମନ୍ତ ନାହାନ୍ତି ଯାହାର ପିତା ଜେଲରେ ଅଛନ୍ତି । ବିଜେପି ଆମର ଧର୍ଯ୍ୟର ପରୀକ୍ଷା ନକରୁ । ଆମ ପାଖରେ ବିକଳ୍ପ ଖୋଲା ଅଛି ବୋଲି ସେ କହିଥିଲେ । ସେ କହିଛନ୍ତି ଯେ ହରିୟାଣା ଓ ମହାରାଷ୍ଟ୍ରରେ ରାଜନୈତିକ ପରିସ୍ଥିତି ଭିନ୍ନ ରହିଛି । ଶିବସେନା ସତ୍ୟ ଓ ଧର୍ମର ପଥରେ ଚାଲୁଛି । କିନ୍ତୁ ବିଜେପି ଆମକୁ ପାପ କରିବାକୁ ବାଧ୍ୟନକରୁ ବୋଲି ସେ କହିଛନ୍ତି । ସୂଚନାଯୋଗ୍ୟ ଯେ ଅଢେଇ ବର୍ଷ ଲେଖାଏ ମୁଖ୍ୟମନ୍ତ୍ରୀ ପଦକୁ ଭାଗ କରିବାକୁ ଶିବସେନା ଅଡିବସିଛି ।