ଜୟପୁର ବିସ୍ଫୋରଣ ମାମଲାର ୪ ଦୋଷୀଙ୍କୁ ଆଜି ଦଣ୍ଡାଦେଶ !
ଜୟପୁର: ଜୟପୁରର ଲୋମହର୍ଷଣକାରୀ ବିସ୍ଫୋରଣ ମାମଲାର ୪ ଜଣ ଦୋଷୀଙ୍କୁ ସ୍ୱତନ୍ତ୍ର ନ୍ୟାୟାଳୟ ଆଜି ଦଣ୍ଡାଦେଶ ଦେଇପାରନ୍ତି । ୨୦୦୮ରେ ଘଟିଥିବା ରାଜସ୍ଥାନର ଏହି ଲୋମହର୍ଷଣକାରୀ ବିସ୍ଫୋରଣ ଘଟଣାରେ ୭୧ ଜଣ ଲୋକଙ୍କର ମୃତ୍ୟୁ ଘଟିଥିଲା। ଏହାଛଡ଼ା ଏଥିରେ ୧୮୫ଜଣ ଆହତ ହୋଇଥିଲେ ।
ଗତକାଲି ସ୍ୱତନ୍ତ୍ର ନ୍ୟାୟାଳୟ ଦୋଷୀଙ୍କପାଇଁ ଲଢ଼ୁଥିବା ଓକିଲଙ୍କ ଯୁକ୍ତି ଶୁଣିଥିଲେ । ଅପରପକ୍ଷରେ ଦୋଷୀମାନଙ୍କୁ ଫାଶୀ ଦଣ୍ଡ ଦେବା ପାଇଁ ସରକାରୀ ଓକିଲ ଶ୍ରୀଚନ୍ଦ୍ର ଦାବି କରିଛନ୍ତି । ସରକାରୀ ଓକିଲ ଶ୍ରୀଚନ୍ଦ୍ରଙ୍କ ସୂଚନା ଅନୁଯାୟୀ, ସ୍ୱତନ୍ତ୍ର ନ୍ୟାୟାଳୟ ଶୁକ୍ରବାର ଅପରାହ୍ନ ୪ଟାରେ ରାୟ ଶୁଣାଇବେ ।
Sambad is now on WhatsApp
Join and get latest news updates delivered to you via WhatsApp
ସ୍ୱତନ୍ତ୍ର ନ୍ୟାୟାଳୟ ଗତ ବୁଧବାର ଦିନ ଅଭିଯୁକ୍ତ ମହମ୍ମଦ ସୈଫ, ମହମ୍ମଦ ସରୱର ଆଜମୀ, ମହମ୍ମଦ ସଲମାନ ତଥା ସୈଫୁ ରହମାନଙ୍କୁ ଦୋଷୀ ସାବ୍ୟସ୍ତ କରିଥିଲେ । ଏହି ଘଟଣାରେ ଅବଶ୍ୟ ଜଣେ ଅଭିଯୁକ୍ତ ଶାହାବାଜ ହୁସେନ ପ୍ରମାଣ ଅଭାବରୁ ଖଲାସ ହୋଇଛନ୍ତି। ସୂଚନାଯୋଗ୍ୟ, ୨୦୦୮ ମସିହା ମେ ମାସ ୧୩ ତାରିଖ ସନ୍ଧ୍ୟାରେ ଏହି ବୋମା ବିସ୍ଫୋରଣ ହୋଇଥିଲା ।