ଓଜେଇଇ ଆବେଦନ ସମୟ ସୀମା ବୃଦ୍ଧି
ଭୁବନେଶ୍ବର : ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା (ଓଜେଇଇ) ପାଇଁ ଆବେଦନ ଓ ଫି’ ଦାଖଲ ସମୟ ସୀମାକୁ ବୃଦ୍ଧି କରାଯାଇଛି। ବି.ଟେକ୍ ନାମଲେଖା ପାଇଁ ହେବାକୁ ଥିବା ସ୍ବତନ୍ତ୍ର ଓଜେଇଇ ଆବେଦନ ଅବଧିକୁ ଜୁନ୍ ୧୫ ଓ ଫି’ ଦାଖଲ ଅବଧିକୁ ମେ’ ୨୦ ତାରିଖ ପର୍ଯ୍ୟନ୍ତ ବଢ଼ାଯାଇଛି। ପୂର୍ବରୁ ମେ’ ୩୧ ତାରିଖ ଆବେଦନର ଶେଷ ତାରିଖ ରହିଥିଲା।
Sambad is now on WhatsApp
Join and get latest news updates delivered to you via WhatsApp
ସେହିପରି ଏମ୍ବିଏ, ଏମ୍ସିଏ, ଡିପ୍ଲୋମା, ବି.ଫାର୍ମା, ଏମ୍.ଫାର୍ମା, ବି.ଆର୍କ, ଏମ୍.ଆର୍କ, ଲାଟେରାଲ ଏଣ୍ଟ୍ରି ଏମ୍ବିଏ ଓ ଏମ୍ସିଏ ପରି ପାଠ୍ୟକ୍ରମରେ ନାମଲେଖା ପାଇଁ ଅନ୍ଲାଇନ୍ ଆବେଦନ ଅବଧିକୁ ଜୁନ୍ ୭ ପର୍ଯ୍ୟନ୍ତ ବୃଦ୍ଧି କରାଯାଇଛି। ଯେଉଁମାନେ ଫି’ ଦାଖଲ କରିନାହାନ୍ତି ସେମାନେ ଜୁନ୍ ୧୦ ସୁଦ୍ଧା ଦାଖଲ କରିପାରିବେ। ପରୀକ୍ଷା ତାରିଖ ଓ ଆଡମିଟ୍ କାର୍ଡ ଡାଉନ୍ଲୋଡ କରିବା ସଂକ୍ରାନ୍ତରେ ୩୧ ପରେ ପରିସ୍ଥିତିକୁ ଦେଖି ନିଷ୍ପତ୍ତି ନିଆଯିବ ବୋଲି ଓଜେଇଇ ପକ୍ଷରୁ ପ୍ରକାଶିତ ବିଜ୍ଞପ୍ତିରେ ଉଲ୍ଲେଖ ହୋଇଛି।