କଥାଟିଏ ଯାଯାବର, ଇତିହାସରୁ କଥାଟିଏ
ପ୍ରାଚୀନ କାଳର କଥା। ଇହୁଦୀମାନଙ୍କ ରାଜା ହେରୋଡ୍ ଲୋହିତ ସାଗର କୂଳରେ ସ୍ଥାପନ କରିଥିଲେ ମାସାଡ଼ାର ଦୁର୍ଗ। ହେରୋଡ୍ଙ୍କ ମୃତ୍ୟୁ ପରେ ରୋମାନ୍ମାନେ ମାସାଡ଼ା ଉପରେ ଆକ୍ରମଣ କରି କବ୍ଜା କରିନେଲେ। ମାସାଡ଼ାକୁ ସେମାନଙ୍କ ଆକ୍ରମଣରୁ ରକ୍ଷା କରିବା ସକାଶେ ଜେରୁଜେଲମର କିଛି ‘ଜିଓଲଟ୍’ (ଇହୁଦୀ ଯୋଦ୍ଧା) ବାହାରିଲେ। ଏହା ଖ୍ରୀଷ୍ଟୀୟ ସପ୍ତମ ଶତାବ୍ଦୀର କଥା। ‘ଜିଓଲଟ୍’ମାନଙ୍କ ଆକ୍ରମଣ ଏବ˚ ଯୁଦ୍ଧପଟୁତାରେ ଦୁର୍ଧର୍ଷ ରୋମାନ୍ମାନେ ପରାଜିତ ହୋଇ ପଳାୟନ କଲେ। ମାସାଡ଼ା ଅଧିକାର କଲା ପରେ ସେଇ ଦୁର୍ଗରେ ପୁଣି ଇହୁଦୀ ଆଧିପତ୍ୟ ସ୍ଥାପିତ ହେଲା।
କିନ୍ତୁ ସେମାନଙ୍କ ସୁଖ ବେଶୀ ଦିନ ସ୍ଥାୟୀ ହୋଇ ରହିଲା ନାହିଁ। କାରଣ ପରାଜୟର ପ୍ରତିଶୋଧ ନେବା ସକାଶେ ରୋମାନମାନେ ଖୁବ୍ ସଜ୍ଜିତ ହୋଇ ବିଶାଳ ସେନାବାହିନୀ ଧରି ମାସାଡ଼ା ପାଖରେ ପହଞ୍ଚି ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ପରାଜୟ ଆସନ୍ନ ଜାଣି ମାସାଡ଼ା ଭିତରେ ରହୁଥିବା ଇହୁଦୀ ଯୋଦ୍ଧାମାନେ ପ୍ରଥମେ ଗୋଟି ଗୋଟି କରି ନିଜର ପତ୍ନୀ, ସନ୍ତାନ ଏବ˚ ପିତାମାତାମାନଙ୍କୁ ହତ୍ୟା କଲେ। ତା’ପରେ ସେମାନେ ପରସ୍ପରକୁ ହତ୍ୟା କଲେ। ରୋମାନ୍ମାନଙ୍କ ହାତରେ ପରାଜୟ ବରଣ କରିବା ଅପେକ୍ଷା ପ୍ରାଣବଳି ଦେବାକୁ ସେମାନେ ସମ୍ମାନଜନକ ବୋଲି ବିଚାର କଲେ। ରୋମାନ୍ମାନେ ମାସାଡ଼ା ଭିତରକୁ ପ୍ରବେଶ କଲେ। କୌଣସି ପ୍ରକାର ପ୍ରତିରୋଧର ସମ୍ମୁଖୀନ ନ ହେବାରୁ ସେମାନେ ବିସ୍ମିତ ହେଲେ। କିନ୍ତୁ ଭିତରେ ପଶି ସେମାନେ ଯାହା ଦେଖିଲେ ସେଥିରେ ସେମାନେ ହତବାକ୍ ହୋଇଗଲେ। ରକ୍ତ ରଞ୍ଜିତ ମାସାଡ଼ା ଭିତରେ ଗଦା ହୋଇଥିଲା ଇହୁଦୀ ଯୋଦ୍ଧା ଏବ˚ ସେମାନଙ୍କ ପରିବାରର ସଦସ୍ୟମାନଙ୍କ ଶବ। ରୋମାନମାନଙ୍କ ମସ୍ତକ ବି ସେମାନଙ୍କ ପ୍ରତି ସମ୍ମାନରେ ନଇଁଗଲା।