ନୂଆଦିଲ୍ଲୀ: ବିଶ୍ୱର ପ୍ରଥମ ରାଷ୍ଟ୍ର ଭାବେ ବାମଦଳ ଶାସିତ ନ୍ୟୁଜିଲାଣ୍ଡ କରୋନାରୁ ସମ୍ପୂର୍ଣ୍ଣ ମୁକ୍ତ ହୋଇଛି । ଏବେ ଦେଶର ନୂତନ ଆକ୍ରାନ୍ତଙ୍କ ସଂଖ୍ୟା ଶୂନ୍ୟ ରହିଥିବା ବେଳେ ଗତ ଦୁଇସପ୍ତାହ ହେବ କୌଣସି ସଂକ୍ରମିତ ନଥିବା ନ୍ୟୁଜିଲାଣ୍ଡ ସରକାରଙ୍କ ପକ୍ଷରୁ କୁହାଯାଇଛି । ଏହି ରିପୋର୍ଟ ଆସିବା ପରେ ସରକାରଙ୍କ ତରଫରୁ ଲଗାଯାଇଥିବା କରୋନା କଟକଣା ସମ୍ପୂର୍ଣ୍ଣ ପ୍ରତ୍ୟାହାର କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଯେମିତି କି ମାସ୍କ ପିନ୍ଧିବା, ସାନିଟାଇଜର ବ୍ୟବହାର କରିବା, ସାମାଜିକ ଦୂରତା ବଜାୟ ରଖିବା ଭଳି କଟକଣାରୁ ଦେଶବାସୀଙ୍କୁ ମୁକ୍ତ କରାଯାଇଛି । ଏଥିସହିତ ବିଦେଶୀମାନଙ୍କ ପାଇଁ ଦେଶର ସୀମାକୁ ଏବେ ବନ୍ଦ ରଖାଯାଇଛି।
ପ୍ରଧାନମନ୍ତ୍ରୀ ଜାସିଣ୍ଡା ଆରର୍ଡେନ କହିଛନ୍ତି କି ଏବେ ଆମେ ବିଶ୍ୱର ପ୍ରଥମ ରାଷ୍ଟ୍ର ଭାବେ କରୋନାକୁ ହରାଇଛୁ । ଏହା ପରେ ଉନ୍ନତ ସ୍ୱାସ୍ଥ୍ୟ ସେବା, ଯୋଗାଣ ବ୍ୟବସ୍ଥା, ଆର୍ଥିକ ବିକାଶ ସହ ଦେଶ କିଭଳି ବିଜ୍ଞାନ ସମ୍ମତ ସମାଜବାଦକୁ ଆଗକୁ ବଢାଇବ ସେ ନେଇ ସରକାର କାମ କରିବ ।
ନ୍ୟୁଜିଲାଣ୍ଡରେ ମାର୍ଚ୍ଚ ୨୫ ଠାରୁ ଲକ୍ ଡାଉନ ଜାରି ରହିଥିଲା । ଏହାରି ମଧ୍ୟରେ ଦେଶରେ ସାଧାରଣ ନିର୍ବାଚନ ହୋଇଥିଲା । ଏହି ନିର୍ବାଚନରେ ଲେବର ପାର୍ଟି ବହୁ ମତରେ ଜିତିଥିଲା । ଏହା ପରେ ଲେବର ପାର୍ଟିର ନେତୃତ୍ୱ ନେଉଥିବା ତଥା ନ୍ୟୁଜିଲାଣ୍ଡର ପ୍ରିୟ ନେତା ଜେସିଣ୍ଡା ଆରର୍ଡେନ ପ୍ରଧାନମନ୍ତ୍ରୀ ଭାବେ ଅବସ୍ଥାପିତ ହୋଇଥିଲେ ।
ସୂଚନାଯୋଗ୍ୟ, ଏବେ ବିଶ୍ୱର ୨୧୩ ରାଷ୍ଟ୍ର କରୋନା ଭଳି ମହାମାରୀରେ ପୀଡିତ ହୋଇଛନ୍ତି । କୋଟି କୋଟି ଲୋକ ଏହି ଅଦୃଶ୍ୟ ଭୂତାଣୁ କବଳରେ ପଡି ପ୍ରାଣ ହରାଇଛନ୍ତି । କରୋନା ମହାମାରୀ ପାଇଁ ସାରା ବିଶ୍ୱର ସମସ୍ତ ପ୍ରକାର କାରବାର ଏକ ପ୍ରକାର ବନ୍ଦ ହୋଇଯାଇଥିଲା । ଲକ୍ଷ ଲକ୍ଷ କର୍ମଚାରୀ ସେମାନଙ୍କ ନିଯୁକ୍ତି ହରାଇଥିଲେ । ବିଶ୍ୱର ପ୍ରାୟ ସବୁ ଦେଶ ଆର୍ଥିକ ମାନ୍ଦାବସ୍ତା ଦେଇ ଗତି କରୁଛନ୍ତି । ଏହାରି ମଧ୍ୟରେ ନ୍ୟୁଜିଲାଣ୍ଡ ଭଳି ଏକ ଛୋଟ ରାଷ୍ଟ୍ର ସମ୍ପୂର୍ଣ୍ଣ କରୋନା ମୁକ୍ତ ହେବା ବିଶ୍ୱ ପାଇଁ ଏକ ଆଶା ସଂଚାର କରିଛି ।