ଘୁ.ଉଦୟଗିରି: କିଛି ମାସର ବ୍ୟବଧାନ ମଧ୍ୟରେ କନ୍ଧମାଳ ଜିଲ୍ଲାରେ ପୁଣି ଥରେ ଜଣେ ପୁଲିସ କର୍ମଚାରୀଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି। ମୃତ କନେଷ୍ଟବଳଙ୍କ ନାମ ଶ୍ରୀନିବାସ ଘଟାଲ ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ କର୍ତ୍ତବ୍ୟରତ କନଷ୍ଟେବଳ ଶ୍ରୀନିବାସ ଘଟାଲ ଟିକାବାଲି ଥାନାରେ ମୁତୟନ ଥିଲେ। ତାଙ୍କର ମୃତଦେହ ଉପର ମହଲା ବାରାକର ଏକ କୋଠରୀରେ ଫ୍ୟାନରେ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି। ପାରିପାର୍ଶ୍ବିକ ପରିସ୍ଥିତି ଯଦିଓ ଏହା ଆତ୍ମହତ୍ୟା ଭଳି ଲାଗୁଛି, ତଥାପି ଘଟଣାର ତଦନ୍ତ ପରେ ଏହାର ପ୍ରକୃତ କାରଣ ଜଣାପଡ଼ିବ। ଘଟଣାସ୍ଥଳରେ ଘୁ.ଉଦୟଗିରି ଏସଡିପିଓ ଡି ତିରୁପତି ରାଓ ପଟ୍ଟନାୟକ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଅନ୍ୟପଟରେ ଘଟଣା ବିଷୟରେ ପୁଲିସ ଅଧିକାରୀ ମୁଁହ ଖୋଲୁନାହାନ୍ତି।
ମୃତ କନେଷ୍ଟବଳ ଶ୍ରୀନିବାସ ଘଟାଲଙ୍କ ଗୋଟିଏ ଝିଅ ଏବଂ ଗୋଟିଏ ପୁଅ। ଝିଅ ଯୁକ୍ତ ୨ଦ୍ୱିତୀୟ ବର୍ଷରେ ପଢ଼ୁଥିବା ବେଳେ ପୁଅ ଶିଶୁ ମନ୍ଦିରରେ ପଢୁଛି। ତାଙ୍କ ପରିବାର ଫୁଲବାଣୀର ପିଅନପଡ଼ା ଅଞ୍ଚଳରେ ରହୁଛନ୍ତି।
ସୂଚନାଯୋଗ୍ୟ, କନ୍ଧମାଳ ଜିଲ୍ଲାରେ ପୁଲିସ ଆତ୍ମହତ୍ୟା କରିବା ୭ ମାସ ମଧ୍ୟରେ ଦ୍ୱିତୀୟ ଘଟଣା। ଗତ ଅଗଷ୍ଟ ୨୭ତାରିଖ ଦିନ ଘୁ.ଉଦୟଗିରି ଥାନାର ମହିଳା ଏସଆଇ ସ୍ୱାଗତିକା ବେହେରା ନିଜ ସରକାରୀ ବାସଭବନରେ ନିଜ ବେକରେ ଚୁନି ଲଗେଇ ଆତ୍ମହତ୍ୟା ଘଟଣାର କାରଣ କଣ ବର୍ତ୍ତମାନ ସୁଦ୍ଧା ଜଣାପଡିନାହିଁ। ଆଜି ଟିକାବାଲି ଥାନାରେ କାର୍ଯ୍ୟରତ୍ତ ଜଣେ ପୁଲିସ କନେଷ୍ଟବଳଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯିବା ବେଶ ଆଲୋଡନ ସୃଷ୍ଟି କରିଛି।