ଟିସିଏସ, ଇନଫୋସିସ, ଓ୍ବିପ୍ରୋ ଦେବେ ୧ ଲକ୍ଷରୁ ଅଧିକ ଚାକିରି
ନୂଆଦିଲ୍ଲୀ : କରୋନା ମହାମାରୀ ମଧ୍ୟରେ ନିଯୁକ୍ତି ଆଶାୟୀଙ୍କ ପାଇଁ ଆଶାଜନକ ଖବର । ଚଳିତ ଆର୍ଥିକ ବର୍ଷରେ ଦେଶର ପ୍ରମୁଖ ଆଇଟି କମ୍ପାନି ଟିସିଏସ,ଇନଫୋସିସ, ଓ୍ବିପ୍ରୋ ପ୍ରାୟ ୧ ଲକ୍ଷରୁ ଅଧିକ ନିଯୁକ୍ତି ଦେବାର ସମ୍ଭାବନା ରହିଛି । ଏସବୁ କମ୍ପାନିମାନେ ୨୦୨୦ରେ ୩୧ ହଜାର ଓ ୨୦୨୧ରେ ପ୍ରାୟ ୧ ଲକ୍ଷ ୭୦ ହଜାର ନିଯୁକ୍ତି ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଗତ ବୁଧବାରଦିନ ଦେଶର ୨ୟ ବୃହତ୍ତମ ଆଇଟି କମ୍ପାନି ଇନଫୋସିସ କହିଥିଲା ଯେ ୨୦୨୨ରେ ପ୍ରାୟ ୫୫ ହଜାର ଫ୍ରେସରଙ୍କୁ ନିଯୁକ୍ତି ଦିଆଯିବ । ନିଜର ୩ୟ ତ୍ରୈମାସିକ ଆର୍ଥିକ ଫଳାଫଳ ଘୋଷଣା କରିବା ଅବସରରେ କମ୍ପାନି ଏହି ଘୋଷଣା କରିଥିଲା । ଗତ ଡିସେମ୍ବର ସୁଦ୍ଧା କମ୍ପାନିର ମୋଟ କର୍ମଚାରୀ ସଂଖ୍ୟା ୯,୯୨,୦୬୭ ରେ ପହଞ୍ଚିଛି । ଓ୍ବିପ୍ରୋ ଚଳିତ ଆର୍ଥିକ ବର୍ଷ (୨୦୨୧-୨୨) ରେ ମୋଟ ୧୭,୫୦୦ ନିଯୁକ୍ତି ଦେବାକୁ ଲକ୍ଷ୍ୟ ରଖିଥିବାବେଳେ ନୂଆ ଆର୍ଥିକ ବର୍ଷ ୨୦୨୨-୨୩ରେ ୩୦ ହଜାର ନୂଆ ନିଯୁକ୍ତି ଦେବାକୁ ଲକ୍ଷ୍ୟ ରଖିଛି । ସେହିପରି ଦେଶର ବୃହତ୍ତମ ଆଇଟି କମ୍ପାନି ଟିସିଏସ ମଧ୍ୟ ହଜାର ହଜାର ଫେସରଙ୍କୁ ନିଯୁକ୍ତି ଦେବାକୁ ଲକ୍ଷ୍ୟ ରଖିଛି । ତେବେ କେତେ ସଂଖ୍ୟକ ନିଯୁକ୍ତି ଦିଆଯିବ ସେ ସମ୍ପର୍କରେ କମ୍ପାନି କୌଣସି ସୂଚନା ଦେଇନାହଁ ।
ମହାମାରୀ ଆସିବା ପରେ ଅନ୍ୟ ଶିଳ୍ପକ୍ଷେତ୍ରଗୁଡ଼ିକରେ ଅଭିବୃଦ୍ଧି କମିଥିବାବେଳେ ଆଇଟି କ୍ଷେତ୍ରରେ ଅବିବୃଦ୍ଧି ବଢିଛି । ଅଧିକ ଲୋକ ଡିଜିଟାଇଜେସନକୁ ଗ୍ରହଣ କରୁଥିବାରୁ ଏପରି ହେଉଛି ବୋଲି କୁହାଯାଉଛି ।