କ୍ରେଡିଟ୍ କାର୍ଡ ବ୍ୟବହାରକାରୀଙ୍କ ପାଇଁ ବଢ଼ିଲା ପେନାଲ୍ଟି ଚାର୍ଜ; ଜାଣନ୍ତୁ କେତେ ଟଙ୍କା ପାଇଁ କେତେ ପେନାଲ୍ଟି ପଡ଼ିବ
ନୂଆଦିଲ୍ଲୀ: ଗତ କିଛି ବର୍ଷ ମଧ୍ୟରେ କ୍ରେଡିଟ୍ କାର୍ଡ ବ୍ୟବହାରକାରୀଙ୍କ ସଂଖ୍ୟାରେ ବୃଦ୍ଧି ଘଟିଛି । ଯେକୌଣସି ସାମଗ୍ରୀ କିଣାକିଣି ଠାରୁ ଆରମ୍ଭ କରି ପେଟ୍ରୋଲ- ଡିଜେଲ ପକାଇବା ପାଇଁ ମଧ୍ୟ କ୍ରେଡିଟ୍ କାର୍ଡର ବ୍ୟବହାର ହେଉଛି ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ, ବର୍ତ୍ତମାନ କ୍ରେଡିଟ୍ କାର୍ଡ ବ୍ୟବହାରକାରୀଙ୍କୁ ଏକ ବଡ ଝଟକା ଦେଇଛି ‘ଆସିଆସିଆଇ ବ୍ୟାଙ୍କ୍। ଏବେ ଠିକ୍ ସମୟରେ ଟଙ୍କା ପୈଠ ନ କଲେ ଅଧିକ ଶୁଳ୍କ ଦେବାକୁ ପଡିବ। ‘ଲେଟ୍ ପେମେଣ୍ଟ ଚାର୍ଜକୁ ବୃଦ୍ଧି କରିଛି ‘ଆଇସିଆଇସିଆଇ’ ବ୍ୟାଙ୍କ୍ । ଅନ୍ୟ ବ୍ୟାଙ୍କଗୁଡିକ ମଧ୍ୟ ଏହି ‘ଲେଟ୍ ପେମେଣ୍ଟ ଚାର୍ଜ’ ବୃଦ୍ଧି କରିବା ପାଇଁ ଆଲୋଚନା କରୁଛନ୍ତି ।
ସୂଚନା ଅନୁଯାୟୀ, ଏହି ନିୟମ ଚଳିତ ବର୍ଷ ଫେବ୍ରୁଆରି ୧୦ ତାରିଖରୁ ଲାଗୁ କରାଯିବ । ଲେଟ୍ ପେମେଣ୍ଟ ଚାର୍ଜ ସହିତ କ୍ରେଡିଟ୍ କାର୍ଡରୁ ଟଙ୍କା ଉଠାଣ ପ୍ରକ୍ରିୟା ବି ପୂର୍ବଠାରୁ ଅଧିକ ମହଙ୍ଗା କରିଦିଆଯାଇଛି । ଏହି ବାବଦରେ ୟୁଜର୍ସଙ୍କୁ ମେସେଜ୍ ଜରିଆରେ ଅବଗତ କରାଇ ଦିଆଯାଇଛି । ପଠାଯାଇଥିବା ମେସେଜ୍ ଅନୁସାରେ, ଯଦି ଆପଣଙ୍କ ବକେୟା ଟଙ୍କା ୧୦୦ ଟଙ୍କାରୁ କମ୍ ରହିଛି ଆଉ ପେମେଣ୍ଟ୍ କରିବାରେ ବିଳମ୍ବ ହୋଇଛି, ଏଥିପାଇଁ କୌଣସି ‘ଲେଟ୍ ପେମେଣ୍ଟ ଚାର୍ଜ’ ଲାଗିବ ନାହିଁ । କିନ୍ତୁ, ଏଥିରୁ ଅଧିକ ବକେୟା ରାଶି ଥିଲେ ଆପଣଙ୍କୁ ପୂର୍ବରୁ ଅଧିକ ଶୁଳ୍କ ଦେବାକୁ ପଡ଼ିବ ।
ଆସନ୍ତୁ ଜାଣିବା କେତେ ଟଙ୍କା ପାଇଁ କେତେ ଚାର୍ଜ ଲାଗିବ । ଯଦି ଆପଣଙ୍କ ବକୟା ଟଙ୍କା ୧୦୦ରୁ ୫୦୦ ରହିଛି ତେବେ ଆପଣଙ୍କୁ ‘ଲେଟ୍ ପେମେଣ୍ଟ ଚାର୍ଜ’ ୧୦୦ ଟଙ୍କା ଦେବାକୁ ପଡ଼ିବ । ୫୦୧ରୁ ୫୦୦୦ ବକୟା ଟଙ୍କା ଥିଲେ ୫୦୦ଟଙ୍କା ଫାଇନ୍ ଦେବାକୁ ପଡିବ । ସେହିପରି ୫ହଜାରରୁ ୧୦ହଜାର ମଧ୍ୟରେ ବକେୟା ଟଙ୍କା ଥିଲେ ୭୫୦, ୧୦୦୦୧ରୁ ୨୫ ହଜାର ଭିତରେ ଥିଲେ ୯୦୦ ଟଙ୍କା ଏବଂ ୨୫୦୦୧ରୁ ୫୦ ହଜାର ଭିତରେ ବକେୟା ଟଙ୍କା ଥିଲେ ଏଥିପାଇଁ ଦେବାକୁ ପଡିବ ୧୨ହଜାର ଟଙ୍କାର ପେନାଲ୍ଟି ।