ବିବାହ ପାଇଁ ରାଜି କରାଇବାକୁ ନିଜ ଦେହରେ ପେଟ୍ରୋଲ ଢ଼ାଳିଲେ ଯୁବକ, ଏହା ଦେଖି ଜଳୁଥିବା ଦିଆସିଲ କାଠି ପକାଇଦେଲେ ନାବାଳିକା, ତା’ ପରେ…
ଲକ୍ଷ୍ନୌ : ଜଣେ ଯୁବକ ନିଜ ପ୍ରେମିକାକୁ ମନେଇବା ପାଇଁ କରିଥିବା କାମ ତାଙ୍କୁ ଏଭଳି ପରିସ୍ଥିତିରେ ପକାଇବ, ତାହା ବୋଧ ହୁଏ କେହି ଚିନ୍ତା କରି ନଥିବେ । ନାବାଳିକା ପ୍ରେମିକାକୁ ବିବାହ ପାଇଁ ରାଜି କରାଇବାକୁ ଯାଇ ଯୁବକଜଣଙ୍କ ନିଜ ଦେହରେ ପେଟ୍ରୋଲ ପକାଇ ଦେଇଥିଲେ । ପ୍ରେମିକା ଏପରି କରିବାକୁ ମନା କରିବା ପରିବର୍ତ୍ତେ ଯୁବକଙ୍କ ଉପରେ ଜଳୁଥିବା ଦିଆସିଲି କାଠି ଫିଙ୍ଗି ଦେବାରୁ ଯୁବକଙ୍କ ଶରୀରର ୬୦ ଭାଗ ଜଳି ଯାଇଥିବା ଜଣା ପଡ଼ିଛି । ଘଟଣାଟି ଲକ୍ଷ୍ନୌର ଖାଦରା ଅଞ୍ଚଳରେ ଘଟିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ପୀଡ଼ିତ ଅରବିନ୍ଦ ନିଜ ପଡ଼ୋଶୀ ଘରେ ରହୁଥିବା ନାବାଳିକାକୁ ବିବାହ କରିବାର ଜିଦ୍ ଧରି ବସିଥିଲେ । କିନ୍ତୁ ନାବାଳିକାଙ୍କ ପରିବାର ଲୋକେ ଝିଅକୁ ୧୮ବର୍ଷ ହେଲେ ଯାଇ ବିବାହ କରାଇବେ ବୋଲି କହିଥିଲେ । ଏପ୍ରିଲ ୨୦ରେ ନାବାଳିକା ନିଜ ମା’ଙ୍କ ସହ ପୀଡ଼ିତଙ୍କ ଘରକୁ ଆସିଥିବା ବେଳେ ପୀଡ଼ିତ ବିବାହ କଥା ଉଠାଇଥିଲେ । ଯାହା ପରେ ୩ଜଣଙ୍କ ମଧ୍ୟରେ ବଚସା ଆରମ୍ଭ ହୋଇ ଯାଇଥିଲା । ଏହା ପରେ ପୀଡ଼ିତ ନିଜ ଉପରେ ପେଟ୍ରୋଲ ଢ଼ାଳି ଆତ୍ମହତ୍ୟାର ଧମକ ଦେଇଥିଲେ । ତାଙ୍କୁ ରୋକିବା ପରିବର୍ତ୍ତେ ନାବାଳିକାଜଣଙ୍କ ପୀଡ଼ିତଙ୍କ ଉପରକୁ ଦିଆସିଲ କାଠି ଫିଙ୍ଗି ସେଠାରୁ ଚାଲି ଆସିଥିଲେ । ପରେ ଯୁବକଙ୍କ ଚିତ୍କାର ଶୁଣି ପଡ଼ୋଶୀ ଲୋକ ଆସି ତାଙ୍କୁ ଡ଼ାକ୍ତରଖାନାରେ ବର୍ତ୍ତି କରାଇଥିଲେ ।.