କରୋନା ସନ୍ଦେହରେ ଏସ୍ସିବିରେ ଭର୍ତ୍ତି ହୋଇଥିବା ସନ୍ଦିଗ୍ଧଙ୍କ ରିପୋର୍ଟ ନେଗେଟିଭ
କଟକ: ଶ୍ରୀରାମ ଚନ୍ଦ୍ର ଭଞ୍ଜ ମେଡିକାଲ କଲେଜ୍ ଓ ହସ୍ପିଟାଲ (ଏସ୍ସିବି)ର କରୋନା ଓ୍ଵାର୍ଡରେ ଭର୍ତ୍ତି ହୋଇଥିବା ସନ୍ଦିଗ୍ଧ ଯୁବକଙ୍କ ରକ୍ତ ନମୁନା ରିପୋର୍ଟ ନେଗେଟିଭ୍ ଆସିଛି। କଟକ ସହରର ଏହି ଯୁବ ଇଞ୍ଜିନିୟର ଅଧିକ ଗବେଷଣା ପାଇଁ ଇଟାଲି ଯାଇଥିଲେ। ସେ ଗତ ୨ ତାରିଖରେ ଘରକୁ ଫେରିଥିଲେ। କିନ୍ତୁ ଘରକୁ ଆସିବା ପରେ ଥଣ୍ଡା ଅନୁଭବ କରିରୁ ସ୍ୱାସ୍ଥ୍ୟ ଯାଞ୍ଚ ପାଇଁ ଏସ୍ସିବି ଯାଇଥିଲେ। ତାଙ୍କ ରକ୍ତ ନମୁନା ସ୍ୱାବ୍ ଭୁବନେଶ୍ୱରସ୍ଥିତ ଆଇଏମ୍ଆରସି ପଠାଯାଇଥିଲା। ସେଠାରୁ ରିପୋର୍ଟ ଆସିବା ପରେ ଯୁବକ ଜଣକ କରୋନା ସଂକ୍ରମିତ ନୁହେଁ ବୋଲି ମେଡିକାଲ କର୍ତ୍ତୃପକ୍ଷ ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
କଟକ ବଡ଼ଡାକ୍ତରଖାନାରେ ଏବେ କରୋନା ସନ୍ଦିଗ୍ଧଙ୍କ ସଂଖ୍ୟା ୨ରେ ପହଞ୍ଚିଛି। କିନ୍ତୁ ଏଠାରେ ପୂର୍ବରୁ ଥିବା ବ୍ୟକ୍ତି ଜଣଙ୍କ ରକ୍ତ ନମୁନା ରିପୋର୍ଟ ନେଗେଟିଭ୍ ଆସିଛିା। କିନ୍ତୁ ତାଙ୍କୁ ୧୮ ତାରିଖ ଯାଏଁ ଅବଜରଭେସନରେ ରଖାଯାଇଛି। ସେହିପରି କଟକ ଜିଲ୍ଲାରେ ହୋମ୍ ଆଇସୋଲେସନରେ ୧୮ ଜଣଙ୍କୁ ରଖାଯାଇଥିବା ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି।