ଭୁବନେଶ୍ୱର: ୨୦୧୯ର ପ୍ରଥମ ସମ୍ବଲପୁରୀ ସିନେମାଭାବେ ରିଲିଜ୍ ହେଉଛି ନୂଆ ସିନେମା ‘ମୁଇଁ ଦିଓ୍ଵାନା ତୁଇ ଦିଓ୍ଵାନୀ’। ଶ୍ୟାମା ମୁଭିଜ୍ ବ୍ୟାନରରେ ନିର୍ମିତ ଏହି ସମ୍ବଲପୁରୀ ସିନେମା ର ପ୍ରଯୋଜନା କରିଛନ୍ତି ମାନଭଂଜନ ନାୟକ। ସେ ଆଗରୁ ‘ଅଲାର୍’ ଟାଇଟଲ୍ରେ ଏକ ସମ୍ବଲପୁରି ଫିଲ୍ମ ନିର୍ମାଣ କରିଥିଲେ,ଯାହା ୨୦୧୩ରେ ରିଲିଜ୍ ହୋଇଥିଲା। ‘ମୁଇଁ ଦିଓ୍ଵାନା ତୁଇ ଦିଓ୍ଵାନି’ର ନିର୍ଦ୍ଦେଶକ ବି ମାନଭଂଜନ ନାୟକ। ଏହି ଫିଲ୍ମରେ ପୃଥ୍ଵୀରାଜ ନାୟକ,ଶ୍ୟାମ କୁମାର,ଋଷି,ପ୍ରିୟଙ୍କା ଓ ଦୀପିକା ପ୍ରମୁଖ ଅଭିନୟ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏଥିରେ ନବାଗତା ଡକ୍ଟର ନିଶାଙ୍କୁ ନାୟିକା ଭୂମିକାରେ ଦେଖିବାକୁ ମିଳିବ। ଏତଦ୍ବ୍ୟତୀତ ପ୍ରଦୀପ ଦେବତା,ଅଶ୍ୱିନୀ ପଣ୍ଡା,ସତ୍ୟ ପଣ୍ଡା ଓ ବିନ୍ଦୁ ପ୍ରମୁଖ ବି ଗରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।
‘ମୁଇଁ ଦିଓ୍ଵାନା ତୁଇ ଦିଓ୍ଵାନୀ’ର ସୁଟିଂ ବରଗଡ ଓ ଭୁବନେଶ୍ୱରରେ କରାଯାଇଛି। ଏହାର ସଂଳାପ ଲେଖିଛନ୍ତି ଶୈଳେଶ ତ୍ରିପାଠୀ ।ନବ ମହତ୍ତମ ଏହି ସିନେମାରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି। ପ୍ରାପ୍ତ ସୂଚନା ଅନୁଯାୟୀ ଜାନୁଆରି ୪ ତାରିଖରେ ଏହି ସମ୍ବଲପୁରୀ ସିନେମା ମୁକ୍ତିଲାଭ କରୁଛି।