ଅଛେ ଦିନ ଆସିଯାଇଛି ଓ ଦେଶ ବଦଳିଛି: ଜେପି ନଡ୍ଡା
ମୁମ୍ବାଇ: ବିଜେପିର ସ୍ଲୋଗାନ ‘ଅଛେଦିନ ଆନେବାଲେ ହେଁ’ କେତେ ସତ ହୋଇଛି ତାହାର ଆଜି ହିସାବ ଦେଇଛନ୍ତି ବିଜେପିର କାର୍ଯ୍ୟକାରୀ ଅଧ୍ୟକ୍ଷ ଜେପି ନଡ୍ଡା | ମୁମ୍ବାଇରେ ଆୟୋଜିତ ଏକ କାର୍ଯ୍ୟକ୍ରମରେ ନଡ୍ଡା କହିଛନ୍ତି ଯେ ଭଲ ଦିନ ଆସିଯାଇଛି ଓ ଦେଶ ବଦଳିଯାଇଛି | ନଡ୍ଡା କହିଛନ୍ତି ଯେ ଆଉ ବୁଝିବାକୁ ବାକି ନାହିଁ ଯେ ଭଲ ଦିନ ଆସିଯାଇଛି | ଏଠାରେ ସୂଚନା ଥାଉ କି ୨୦୧୪ ମସିହାରେ ଲୋକସଭା ନିର୍ବାଚନ ସମୟରେ ବିଜେପି ପକ୍ଷରୁ ପ୍ରଧାନମନ୍ତ୍ରୀ ପ୍ରାର୍ଥୀ ନରେନ୍ଦ୍ର ମୋଦୀ ନାରା ଦେଇଥିଲେ ଯେ ଭଲ ଦିନ ଆସିବାର ଅଛି |
Sambad is now on WhatsApp
Join and get latest news updates delivered to you via WhatsApp
ନଡ୍ଡା ନରେନ୍ଦ୍ର ମୋଦୀ ସରକାରଙ୍କ ଉପଲବ୍ଧି ବାବଦରେ କହିଥିଲେ ଯେ ଆର୍ଥିକ କ୍ଷେତ୍ର କଥା କହିବାକୁ ଗଲେ ୧୯୭୪ ମସିହାରୁ ୨୦୧୪ ମସିହା ପର୍ଯ୍ୟନ୍ତ ଦେଶର ବ୍ୟାଙ୍କମାନଙ୍କରେ ମାତ୍ର ୩ କୋଟି ୫୦ ଲକ୍ଷ ବ୍ୟାଙ୍କ ଖାତା ଖୋଲାଯାଇଥିଲା |
କିନ୍ତୁ ୨୦୧୪ରେ ମୋଦୀ ସରକାର ଆସିବା ପରେ ଆଜି ଜନଧନ ଯୋଜନାରେ ୩୬ କୋଟିରୁ ଅଧିକ ଜମାଖାତା ଖୋଲାଯାଇଛି ଯେଉଁଥିରେ ୧ ଲକ୍ଷ କୋଟି ଟଙ୍କାରୁ ଅଧିକ ଟଙ୍କା ଜମା ହୋଇ ରହିଛି | ସେହିପରି ବିଜେପିର ସଦସ୍ୟ ସଂଖ୍ୟା ବର୍ତ୍ତମାନ ୧୧ କୋଟି ଥିବାବେଳେ ଆହୁରି ନୂଆ ୧୦ କୋଟି ନୂଆ ସଦସ୍ୟ ସଂଗ୍ରହ କରାଯିବାର ଲକ୍ଷ୍ୟ ରଖାଯାଇଛି |