ସଂକ୍ରମଣ ବଢୁଥିବା ନେଇ ମାନିଲେ ମୋଦୀ ସରକାର, ଅସ୍ଥାୟୀ ଡାକ୍ତରଖାନା ନିର୍ମାଣ ପାଇଁ ସୁପ୍ରିମକୋର୍ଟରେ ଆଫିଡେଭିଟ୍ ଦାଖଲ କଲେ
ନୂଆଦିଲ୍ଲୀ: କରୋନା ଭାଇରସ ସଙ୍କଟ ସମ୍ପର୍କରେ କେନ୍ଦ୍ର ସରକାରଙ୍କ ପକ୍ଷରୁ ଗୁରୁବାର ସୁପ୍ରିମକୋର୍ଟରେ ଏକ ଆଫିଡେଭିଟ୍ ଦାଖଲ କରାଯାଇଛି। ଦେଶରେ କରୋନା ଭୂତାଣୁ ସଂକ୍ରମଣର ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି ବୋଲି କେନ୍ଦ୍ର ସରକାର ନିଜ ଆଫିଡେଭିଟ୍ରେ ସ୍ୱୀକାର କରିଛନ୍ତି। ଏଭଳି ପରିସ୍ଥିତିରେ ଦେଶରେ ବହୁ ସଂଖ୍ୟକ ମେକ୍-ସିଫ୍ଟ ବା ଅସ୍ଥାୟୀ ଡାକ୍ତରଖାନା ନିର୍ମାଣ କରିବାକୁ ପଡିବ ବୋଲି କେନ୍ଦ୍ର ସୁପ୍ରିମକୋର୍ଟକୁ କହିଛି।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାର ଦେଇଥିବା ଆଫିଡେଭିଟ୍ରେ କୁହାଯାଇଛି ଯେ, ବର୍ତ୍ତମାନ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଏଭଳି ପରିସ୍ଥିତିରେ, ନିକଟସ୍ଥ ଡାକ୍ତରଖାନା ବ୍ୟତୀତ କରୋନା ରୋଗୀଙ୍କ ପାଇଁ ଅସ୍ଥାୟୀ ହସ୍ପିଟାଲ୍ ନିର୍ମାଣ କରିବାକୁ ପଡିବ, ଯାହାଦ୍ୱାରା ସେମାନଙ୍କର ଚିକିତ୍ସା ଠିକ ସମୟରେ କରାଯାଇ ସେମାନଙ୍କର ଯତ୍ନ ନିଆଯାଇପାରିବ | ଏହି ସଙ୍କଟ ସମୟରେ ରୋଗୀମାନଙ୍କର ଯତ୍ନ ନେଉଥିବା ସ୍ୱାସ୍ଥ୍ୟ କର୍ମଚାରୀଙ୍କ ଯତ୍ନ ନେବାର ଆବଶ୍ୟକତା ରହିଛି। ସରକାର ସେମାନଙ୍କ ଯତ୍ନ ନେବା ପାଇଁ ପୂର୍ଣ୍ଣ ପ୍ରୟାସ କରୁଛନ୍ତି ବୋଲି ଆଫିଡେଭିଟ୍ରେ ଲେଖାଯାଇଛି।