ବାପା-ମାଙ୍କ ସହ ସମୟ କାଟିବାକୁ ଦୁଇଦିନ ଛୁଟି ଘୋଷଣା କଲେ ରାଜ୍ୟ ସରକାର, ଜାଣନ୍ତୁ କେଉଁମାନଙ୍କୁ ମିଳିପାରିବ ଛୁଟି?
ଗୌହାଟୀ: ଆସନ୍ତା ଜାନୁଆରୀ ୬ ଓ ୭ ତାରିଖକୁ ରାଜ୍ୟର ସରକାରୀ କର୍ମଚାରୀଙ୍କ ପାଇଁ ଆସାମ ସରକାର ଛୁଟି ଘୋଷଣା କରିଛନ୍ତି। ଏହି ଛୁଟି ଘୋଷଣା କରିବାବେଳେ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱସରମା ଏହାର ଉଦ୍ଦେଶ୍ୟ ବାବଦରେ ମଧ୍ୟ କହିଛନ୍ତି। ମୁଖ୍ୟମନ୍ତ୍ରୀ ସରମା କହିଛନ୍ତି ଯେ ସରକାରୀ କର୍ମଚାରୀଙ୍କୁ ସେମାନଙ୍କ ପିତାମାତା ଏବଂ ଶାଶୁ-ଶ୍ୱଶୁରଙ୍କ ସହ ସମୟ ବିତାଇବା ପାଇଁ ଏହି ବିଶେଷ ଛୁଟି ଦିଆଯାଉଛି। ମୁଖ୍ୟମନ୍ତ୍ରୀ ଟ୍ୱିଟ୍ କରି କହିଛନ୍ତି, ଆସାମ ସରକାରଙ୍କ କର୍ମଚାରୀଙ୍କ ପାଇଁ ମୁଁ ୬ ଓ ୭ ଜାନୁଆରୀରେ ବିଶେଷ ଛୁଟି ଘୋଷଣା କରୁଛି। ମୁଁ କର୍ମଚାରୀମାନଙ୍କୁ ଅନୁରୋଧ କରୁଛି ଯେ ଏହି ସମୟ ମଧ୍ୟରେ ସେମାନଙ୍କ ପିତାମାତା / ଶାଶୁ-ଶ୍ୱଶୁରଙ୍କ ସହିତ ଗୁଣାତ୍ମକ ସମୟ ଅତିବାହିତ କରନ୍ତୁ।
Sambad is now on WhatsApp
Join and get latest news updates delivered to you via WhatsApp
To uphold ancient Indian values, I urge Assam Govt employees to spend quality time with their parents/in-laws on Jan 6 & 7, 2022 designated as spl leave.
I request them to rededicate themselves to the cause of building a New Assam & New India with blessings of their parents. pic.twitter.com/hZ2iwbgKoB
— Himanta Biswa Sarma (@himantabiswa) January 2, 2022
ମୁଖ୍ୟମନ୍ତ୍ରୀ ହିମନ୍ତ ବିଶ୍ୱସରମା କହିଛନ୍ତି, ‘ମୁଁ କର୍ମଚାରୀମାନଙ୍କୁ ସେମାନଙ୍କ ପିତାମାତାଙ୍କ ସହ ସମୟ କାଟିବାକୁ ଅନୁରୋଧ କରୁଛି | ସେମାନଙ୍କ ଆଶୀର୍ବାଦରେ ନୂତନ ଆସାମ ଏବଂ ନୂତନ ଭାରତର ପୁନଃନିର୍ମାଣ କରିବାକୁ ଅନୁରୋଧ କରୁଛି’।
ଆସାମ ସରକାର ଏକ ସରକାରୀ ବିବୃତ୍ତିରେ କହିଛନ୍ତି ଯେ ରାଜ୍ୟ ସରକାରୀ ମନ୍ତ୍ରୀମାନେ ମଧ୍ୟ ସେମାନଙ୍କ ପିତାମାତା / ଶାଶୁ-ଶ୍ୱଶୁରଙ୍କ ସହ ସମୟ ବିତାଇବା ଉଚିତ। ଯେଉଁ କର୍ମଚାରୀମାନଙ୍କର ପିତାମାତା କିମ୍ବା ଶାଶୁ-ଶ୍ୱଶୁର ଜୀବିତ ନାହାଁନ୍ତି, ସେମାନେ ବିଶେଷ ଛୁଟି ପାଇବାକୁ ଯୋଗ୍ୟ ହେବେ ନାହିଁ | ତେବେ ଜରୁରୀକାଳୀନ ଦାୟିତ୍ୱରେ ଥିବା କର୍ମଚାରୀମାନେ ଯଦିଓ ବର୍ତ୍ତମାନ ଏହି ଛୁଟି ନେଇପାରିବେ ନାହିଁ, କିନ୍ତୁ ପରେ ଦୁଇ ଦିନ ଛୁଟି ନେଇପାରିବେ |