ଚୀନ ଉପରେ ଡିଜିଟାଲ ସର୍ଜିକାଲ ଷ୍ଟ୍ରାଇକ୍ କଲେ ଭାରତ ସରକାର
୨୩୨ଟି ଆପ ଉପରେ ପ୍ରତିବନ୍ଧକ ଲାଗିଲା
ନୂଆଦିଲ୍ଲୀ: ଭାରତ ସରକାର ଚୀନ ସହିତ ଯୋଗାଯୋଗ ରଖୁଥିବା ଲୋନ ଓ ବେଟିଂ ଆପ ଉପରେ ପ୍ରତିବନ୍ଧକ ଲଗାଇଛନ୍ତି। ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ଏହି ଆପଗୁଡ଼ିକ ଉପରେ ତନାଘନା କରିଥିଲା। ଏଥିରୁ ଜଣାପଡ଼ିଥିଲା କି ଏହି ଆପଗୁଡ଼ିକ ଭାରତୀୟଙ୍କ ଗୋପନୀୟତା ଏବଂ ନିରାପତ୍ତା ପ୍ରତି ବିପଦ ପକାଇ ପାରେ। ତେଣୁ ୧୩୮ଟି ବେଟିଂ ଆପ ଓ ୯୪ଟି ଲୋନ ଦେଉଥିବା ଆପ ଉପରେ ଭାରତ ସରକାର ପ୍ରତିବନ୍ଧକ ଲଗାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ପ୍ରତିବନ୍ଧକ ଲଗାଯାଇଥିବା ଆପଗୁଡ଼ିକୁ ନେଇ କୁହାଯାଉଛି କି, ଏହାର ଯୋଗାଯୋଗ ଚୀନ ସହିତ ରହିଥିଲା। ଏହି ଆପଗୁଡ଼ିକ ଉପରେ ଜରୁରୀକାଳୀନ ଭାବେ ପ୍ରତିବନ୍ଧକ ଲଗାଯିବାକୁ ନିର୍ଦେଶ ଦିଆଯାଇଛି। ମୋଟାମୋଟି ଭାବେ ୨୩୨ଟି ଆପ ଉପରେ ପ୍ରତିବନ୍ଧକ ଲଗାଯାଇଛି। ଏହି ଆପକୁ ଆଇଟି ଆକ୍ଟର ସେକସନ ୬୯ ଆଧାରରେ ବ୍ୟାନ କରାଯାଇଛି।
ପ୍ରକାଶିତ ରିପୋର୍ଟ ଅନୁସାରେ, ଗୃହ ମନ୍ତ୍ରଣାଳୟ ଏସମ୍ପର୍କରେ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟକୁ ସୂଚନା ଦେଇଥିଲା। ଏହାପରେ ଏହି ଆପକୁ ନେଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ଏଥିରୁ ଜଣାପଡ଼ିଥିଲା କି ଏହି ଆପଗୁଡ଼ିକ ଭାରତୀୟଙ୍କ ଗୋପନୀୟତା ଏବଂ ନିରାପତ୍ତା ପ୍ରତି ବିପଦ ରହିଛି। ଗତ ବର୍ଷ ଫେବ୍ରୁଆରି ମାସରେ ଏଭଳି ଭାବେ ଚୀନର ୫୪ଟି ଆପ ଉପରେ ପ୍ରତିବନ୍ଧକ ଲଗା ଯାଇଥିଲା।