ଯୌତୁକ ରୂପେ ଶଶୁର ଘରୁ ୪୦ ହଜାର ଟଙ୍କା ନ ଆଣିବାରୁ ସ୍ତ୍ରୀକୁ ତିନ୍ ତଲାକ୍ ଦେଲା ସ୍ବାମୀ
ସୁରଟ: ଯୌତୁକ ରୂପେ ଶଶୁର ଘରୁ ୪୦ ହଜାର ଟଙ୍କା ଆଣିବାକୁ ନିଜ ସ୍ତ୍ରୀକୁ ବାଧ୍ୟ କରୁଥିଲା ଯୁବକ। ସେ ସେହି ଯୌତୁକ ଟଙ୍କାରେ ଏକ ରିକ୍ସା କିଣିବାକୁ ଠିକ୍ କରିଥିଲା।ମାତ୍ର ସ୍ତ୍ରୀ ସେହି ଟଙ୍କା ଆଣି ନ ପାରିବା ଫଳରେ ଗୁଜୁରାଟରେ ସେହି ମହିଳାଙ୍କୁ ତା’ର ସ୍ୱାମୀ ତିନି ତଲାକ ଦେଇଛି । ସୁରଟରେ ଏହି ଘଟଣା ଘଟିଛି ।
Sambad is now on WhatsApp
Join and get latest news updates delivered to you via WhatsApp
ବିବାହର କିଛି ଦିନ ପରେ ଯୁବକ ଜଣକ ନିଜର ୨୩ ବର୍ଷୀୟ ସ୍ତ୍ରୀକୁ ବାପ ଘରୁ ୪୦ ହଜାର ଟଙ୍କା ଆଣିବାକୁ କହିଥିଲା । ମାତ୍ର ବାପା ଗରିବ ଥିବାରୁ ଏତେ ଟଙ୍କା ଆଣିବା ତାଙ୍କ ପାଇଁ ସମ୍ଭବ ନ ଥିଲା ।
ସ୍ବାମୀଠାରୁ ତିନି ତଲାକ୍ ପାଇବାପରେ ମହିଳାଜଣକ ଚୌକ ବଜାର ଥାନାରେ ଲିଖିତ ଅଭିଯୋଗ କରିଛନ୍ତି ବୋଲି ଏସିପି ପି ଏଲ ଚୌଧୁରୀ ସୂଚନା ଦେଇଛନ୍ତି। ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଜଣାଯାଇଛି । ଯୁବତୀ ଜଣକ କହିଛନ୍ତି ଯେ ତାଙ୍କୁ ନ୍ୟାୟ ମିଳିବା ଦରକାର ।