କଶ୍ମୀରରେ ଅତିରିକ୍ତ ୧୦ ହଜାର ଅର୍ଦ୍ଧସାମରିକ ବଳ ମୁତୟନ ଆଦେଶକୁ ବିଳମ୍ବିତ ରାତ୍ରୀରେ ଅନୁମୋଦନ କଲେ କେନ୍ଦ୍ର ସରକାର
ନୂଆଦିଲ୍ଲୀ: ଜମ୍ମୁ ଓ କଶ୍ମୀରରେ ଅତିରିକ୍ତ ୧୦୦ କମ୍ପାନି ଅର୍ଦ୍ଧସାମରିକ ବଳ ଫୋର୍ସ ମୁତୟନ କରାଯିବା ଆଦେଶକୁ ଶୁକ୍ରବାର ରାତିରେ କେନ୍ଦ୍ର ସରକାର ମଞ୍ଜୁର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଜମ୍ମୁ ଓ କଶ୍ମୀର ମୁଖ୍ୟ ସଚିବଙ୍କୁ ନିର୍ଦେଶିତ ଗୃହ ମନ୍ତ୍ରାଳୟର ପ୍ରେରିତ ଆଦେଶରେ ଉଲ୍ଲେଖ ଅଛି ଯେ ଅତିରିକ୍ତ ଫୋର୍ସ ମୁତୟନ ଉପତ୍ୟକାରେ ଅନୁପ୍ରବେଶକୁ ରୋକିବାରେ କାର୍ଯ୍ୟ କରୁଥିବା କାଉଣ୍ଟର୍ ଇନ୍ସର୍ଜେଣ୍ଟ୍ ଗ୍ରିଡ୍କୁ ମଜଭୁତ କରିବାରେ ସହାୟକ ହେବ ଓ ଆଇନ୍ ଶୃଙ୍ଖଳା ପରିସ୍ଥିତି ବଜାୟ ରଖିବେ।
ଏଥିରେ ଦର୍ଶାଯାଇଛି ଯେ ୫୦ ଅତିରିକ୍ତ କମ୍ପାନି ସିଆର୍ପିଏଫ୍, ୩୦ କମ୍ପାନି ଏସ୍ଏସ୍ବି, ଏବଂ ବିଏସ୍ଏଫ୍ ଏବଂ ଆଇଟିବିପିରୁ ୧୦ କମ୍ପାନି ମୁତୟନ କରାଯିବ।
ଜାତୀୟ ନିରାପତ୍ତା ଉପଦେଷ୍ଟା ଅଜିତ ଡୋଭାଲ କଶ୍ମୀରରୁ ଫେରିବାର ଅଳ୍ପ ଦିନ ପରେ ଅତିରିକ୍ତ ସେନା ପଠାଇବା ନିଷ୍ପତ୍ତି ନିଆଯାଇଥିଲା।
ରାଷ୍ଟ୍ରପତି ଶାସନାଧୀନ ଥିବା ଜମ୍ମୁ ଓ କଶ୍ମୀରରେ ଏହି ସଦ୍ୟ ସୈନ୍ୟ ମୁତୟନ ନିରାପତ୍ତା ପରିସ୍ଥିତି ବଢ଼ାଇବ।
ଫେବ୍ରୁଆରି ମାସରେ ମଧ୍ୟ ବିମାନ ଯୋଗେ ଉପତ୍ୟକାକୁ ପ୍ରାୟ ୧୦୦ କମ୍ପାନି ସୈନ୍ୟ ପଠାଯାଇଥିଲା।