ବାୟୁସେନାକୁ ଏକ ଏରୋସ୍ପେଶ୍ ଫୋର୍ସରେ ପରିବର୍ତ୍ତନ କରାଯିବ
ନୂଆଦିଲ୍ଲୀ : ଦୀର୍ଘ ସମୟ ଧରି ଚାଲୁଥିବା ଯୁଦ୍ଧ ପାଇଁ ପ୍ରସ୍ତୁତ ରହିବାର ଆବଶ୍ୟକତା ରହିଛି ବୋଲି ଭାରତୀୟ ବାୟୁ ସେନା ମୁଖ୍ୟ ଏୟାର ଚିଫ୍ ମାର୍ସାଲ ଭି.ଆର.ଚୌଧୁରୀ କହିଛନ୍ତି । ସେ କହିଛନ୍ତି ଯେ ଭବିଷ୍ୟତ ଯୁଦ୍ଧ ପାଇଁ ଭାରତୀୟ ବାୟୁ ସେନାକୁ ଏକ ଏରୋସ୍ପେଶ ଫୋର୍ସରେ ପରିଣତ କରିବାକୁ ଯୋଜନା କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
କିଛି ବର୍ଷ ପୂର୍ବରେ ସ୍ବଳ୍ପ ଅବଧି ପାଇଁ ଚାଲୁଥିବା ଯୁଦ୍ଧ ଉପରେ ଗୁରୁତ୍ବ ଦିଆଯାଉଥିବାବେଳେ ୟୁକ୍ରେନ ଯୁଦ୍ଧ ସେହି ଧାରଣାକୁ ବଦଳାଇଦେଇଛି । ଦୀର୍ଘ ସମୟ ଧରି ଚାଲୁଥିବା ଯୁଦ୍ଧ ପାଇଁ ବି ଯୋଜନା କରିବାକୁ ପଡ଼ିବ, ପ୍ରସ୍ତୁତ ରହିବାକୁ ପଡ଼ିବ । ଏଥିପାଇଁ ଆମକୁ ରଣକୌଶଳ, ଲଜିଷ୍ଟିକ୍ସ ଓ ଟେକନଲୋଜୀ ଉପରେ ଗୁରୁତ୍ବ ଦେବାକୁ ପଡ଼ିବ ବୋଲି ସେ କହିଛନ୍ତି ।
ଆଜତକ୍ ଏଜେଣ୍ଡା କାର୍ଯ୍ୟକ୍ରମରେ ଯୋଗ ଦେଇ ସେ କହିଛି ବାୟୁସେନାର ପ୍ରସ୍ତୁତି ହେଉଛି ଆମ ସୁବିଧା ଓ ଅସ୍ତ୍ରମାଧ୍ୟମରେ ଶତ୍ରୁ ଉପରେ ଆକ୍ରମଣ । ୟୁକ୍ରେନ ଯୁଦ୍ଧ ଆମକୁ ଶିଖାଇ ଦେଇଛି ଯେ, ଗୋଟିଏ ଯୁଦ୍ଧ କ୍ଷେତ୍ର ଉପରେ ବାୟୁସେନାର ନିୟନ୍ତ୍ରଣ କେତେ ଜରୁରୀ ।
ପୂର୍ବରୁ ଏହି କାର୍ଯ୍ୟକ୍ରମରେ ଯୋଗ ଦେଇ ନୌସେନା ମୁଖ୍ୟ ଆଡମିରାଲ ଆର. ହରି କୁମାର କହିଥିଲେ ଯେ ନୌସେନାରେ ଥିବା କେତେକ ବ୍ରିଟିଶ ଅମଳର ପଦବୀରେ ପରିବର୍ତ୍ତନ କରାଯିବ ।