ସେଲ୍ଫି ଉଠାଉଥିବା ଛାତ୍ରଙ୍କୁ ମାଡ଼ ଦେଲେ କର୍ଣ୍ଣାଟକ ମନ୍ତ୍ରୀ
ନୂଆଦିଲ୍ଲୀ: ସୋମବାର ଦିନ ଏକ ଅନୁଷ୍ଠାନରେ କର୍ଣ୍ଣାଟକ ଶକ୍ତିମନ୍ତ୍ରୀ ଡିକେ ଶିବକୁମାର ଚିଡ଼ି ଯାଇ ତାଙ୍କ ପଛପଟେ ସେଲ୍ଫି ଉଠାଉଥିବା ଜଣେ ତରୁଣଙ୍କୁ ମାଡ଼ ଦେଇଛନ୍ତି। କ୍ଷୋଭର ଘଟଣାଟି ବେଲ୍ଗାଉମ୍ର ଏକ କଲେଜରେ ଶିଶୁ ଅଧିକାର କାର୍ଯ୍ୟକ୍ରମରେ ଘଟିଛି। କାର୍ଯ୍ୟକ୍ରମରେ ଏକତ୍ର ହୋଇଥିବା ମିଡିଆକୁ ସାମ୍ନା କଲାବେଳେ ସମଗ୍ର ଘଟଣାକୁ ‘ସାଧାରଣ’ ବୋଲି ଦାମ୍ଭିକ ମନ୍ତ୍ରୀ କହିଛନ୍ତି।
କନକପୁର ନିର୍ବାଚନ ମଣ୍ଡଳୀର ଶିବକୁମାର ନାମଧ୍ୟେୟ ଜଣେ କଂଗ୍ରେସ ବିଧାୟକ ଗଣମାଧ୍ୟମକୁ କହୁଥିବାବେଳେ ପଛ ପଟେ ଛିଡ଼ା ହୋଇଥିବା ଜଣେ ଛାତ୍ର ନିଜ ମୋବାଇଲ୍ ଫୋନ୍ରେ ସେଲ୍ଫି ଉଠାଇବାକୁ ଉଦ୍ୟମ କରିଥିଲେ। ଚିଡ଼କ ମନ୍ତ୍ରୀ ହଠାତ୍ ପଛକୁ ବୁଲିପଡ଼ି ଛାତ୍ରଟିର ହାତରେ ମାଡ଼ ଦେବା ଫଳରେ ଫୋନ୍ଟି ଛାତ୍ରଙ୍କ ହାତରୁ ତଳକୁ ଖସି ପଡ଼ିଥିଲା। ଛାତ୍ରଜଣକ ନିଜ ମୋବାଇଲ୍ଟି ଉଦ୍ଧାର କରିବାକୁ ଦୌଡ଼ି ଯାଉଥିବାବେଳେ ଶିବକୁମାର ନିବିଗ୍ନରେ ଗଣମାଧ୍ୟମ ସହ କଥାବାର୍ତ୍ତା କରୁଥିଲେ।
ପରେ ଏହି ଦୃଶ୍ୟାବଳୀ ଥିବା ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ୍ ହୋଇ ନକାରାତ୍ମକ ପ୍ରତିକ୍ରିୟା ସୃଷ୍ଟି କରିଥିଲେ ମଧ୍ୟ ଏ ସମ୍ବନ୍ଧରେ କ୍ଷମାଯାଚନା କରିବା ମିଜାଜ୍ରେ ନ ଥିଲେ କର୍ଣ୍ଣାଟକ ଶକ୍ତିମନ୍ତ୍ରୀ।
ସାଧାରଣ ଜ୍ଞାନ ଜାଣ। ମୁଁ ଦାୟିତ୍ୱ ନିର୍ବାହ କରି ଗଣମାଧ୍ୟମକୁ କହୁଥିବାବେଳେ କେମିତି ଜଣେ ସେଲ୍ଫି ଉଠାଇବାକୁ ବାହାରି ପଡୁଛି? ଏହା ସାଧାରଣ ଘଟନା ବୋଲି ସେ କହିଛନ୍ତି।
