ତିରୁଅନନ୍ତପୁରମ : କେରଳରେ ହୋଇଥିବା ପଞ୍ଚାୟତ ଓ ପୌରସଂସ୍ଥା ନିର୍ବାଚନର ଭୋଟ ଗଣତି ଜାରି ରହିଛି । ସ୍ଥାନୀୟ ନିର୍ବାଚନ ହେଲେ ବି ଏହା ଉପରେ ସାରା ଦେଶର ନଜର ରହିଛି । କାରଣ ଆସନ୍ତା ବର୍ଷ ଏପ୍ରିଲ-ମେ ମାସରେ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି । ଫଳରେ ଏହି ପଞ୍ଚାୟତ ନିର୍ବାଚନର ଗୁରୁତ୍ବ ବଢିଯାଇଛି ।
Sambad is now on WhatsApp
Join and get latest news updates delivered to you via WhatsApp
ବର୍ତ୍ତମାନ ପର୍ଯ୍ୟନ୍ତ ମିଳିଥିବା ଫଳାଫଳ ଅନୁସାରେ ମୋଟ ୯୪୧ଟି ପଞ୍ଚାୟତ ମଧ୍ୟରୁ ଶାସକ ବାମଦଳ (ଏଲଡିଏଫ) ୫୧୪ ଟିରେ ଆଗୁଆ ରହିଛି । ଏଲଡିଏଫ ୩୫ଟି ମ୍ୟୁନିସିପାଲିଟି ଓ କଂଗ୍ରେସ ନେତୃତ୍ବାଧୀନ ୟୁଡିଏଫ ୪୫ଟି ଆସନରେ ଆଗୁଆ ରହିଛି ବା ବିଜୟ ହାସଲ କରିଛି । ବିଜେପି ନେତୃତ୍ବାଧୀନ ଏନଡିଏ ଏହି ନିର୍ବାଚନରେ ଅପେକ୍ଷାକୃତ ଭଲ ପ୍ରଦର୍ଶନ କରିଛି । ଏନଡିଏ ୨୩ଟି ପଞ୍ଚାୟତ ଓ ୨ଟି ମ୍ୟୁନିସିପାଲିଟିରେ ଅଗୁଆ ଅଛି ବା ବିଜୟ ହାସଲ କରିଛି । ତେବେ ବିଜେପି କେତେକ ଗୁରୁତ୍ବପୂର୍ଣ୍ଣ ଆସନରେ ବିଜୟ ହାସଲ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଛି ।
ବିଜେପି ଗୁରୁତ୍ବପୂର୍ଣ୍ଣ ପାଣ୍ଡଲମ ପୌର ପରିଷଦରେ ବିଜୟ ହାସଲ କରିଛି । ଏହି ଆସନରେ ବିଜେପିର ବିଜୟ ଏକ ନୈତିକ ବିଜୟ ଆଣିଦେଇଛି । କାରଣ ଏହି ପୌରପରିଷଦଟି ପ୍ରଥନମିଠିଟ୍ଟା ଜିଲ୍ଲାରେ ଆସୁଛି । ଏହି ପୌର ପରିଷଦ ଅଧିନରେ ହିଁ କେରଳର ପ୍ରସିଦ୍ଧ ତୀର୍ଥ କ୍ଷେତ୍ର ସାବରିମାଲା ଆସୁଛି । ଏହା ଛଡ଼ା ବିଜେପି ପଲକ୍କଡ ମ୍ୟୁନିସିପାଲିଟିରେ ଜିତିଛି ।