ବିମାନରେ ଇସ୍ରୋ ଅଧ୍ୟକ୍ଷଙ୍କୁ ଚିହ୍ନି ପାରି ଏପରି ଆଚରଣ ଦେଖାଇଲେ କ୍ୟାବିନ୍ କ୍ରୁ ଓ ସହଯାତ୍ରୀ
ନୂଆଦିଲ୍ଲୀ: ଚନ୍ଦ୍ରଯାନ-୨ ଅଭିଯାନ ପରେ ଭାରତୀୟ ମହାକାଶ ଗବେଷଣା ସଂସ୍ଥାନ ଇସ୍ରୋର ଅଧ୍ୟକ୍ଷ କେ.ଶିବନଙ୍କ ଲୋକପ୍ରିୟତା ସମଗ୍ର ଦେଶରେ ବୃଦ୍ଧି ପାଇଛି । ସେ ଘରେ ଘରେ ପରିଚିତ ହୋଇ ଉଠିଛନ୍ତି । ନିକଟରେ ଦେଖିବାକୁ ମିଳିଛି ଏହାର ଏକ ଉଦାହରଣ ।
Sambad is now on WhatsApp
Join and get latest news updates delivered to you via WhatsApp
ନିକଟରେ ଟୁଇଟରରେ ଅପ୍ଲୋଡ୍ ହୋଇଥିବା ଏକ ଭିଡିଓରୁ ଏକଥାର ପ୍ରମାଣ ମିଳିଛି । ଲେଖିକା ଶେଫାଳୀ ବୈଦ୍ୟ ଏହାକୁ ପୋଷ୍ଟ କରିଛନ୍ତି । ଏକ ବିମାନ ଯାତ୍ରା ସମୟରେ ବିମାନ ମଧ୍ୟରେ ଇସ୍ରୋ ଅଧ୍ୟକ୍ଷଙ୍କୁ ଯାତ୍ରୀମାନେ ଅଭିନନ୍ଦନ ଜଣାଇଥିଲେ । ଏଭଳି ଘଟଣାରେ ଅଭିଭୂତ ହୋଇ ଶେଫାଳୀ ବୈଦ୍ୟ ସେ ସମୟର ଭିଡିଓ ସେୟାର କରି କେ.ଶିବନଙ୍କୁ “ଜନତାର ହିରୋ’ ଆଖ୍ୟା ଦେଇଥିଲେ ।
It is so heartening to see ISRO chief #Sivan sir being given a hero’s reception in a flight!! pic.twitter.com/IJth3RTaxI
— Shefali Vaidya ஷெஃபாலி வைத்யா शेफाली वैद्य (@ShefVaidya) October 4, 2019
୯୦ ସେକେଣ୍ଡ ଅବଧିର ଏହି ଭିଡିଓ କ୍ଲିପରେ ଦେଖିବାକୁ ମିଳୁଛି କି କେ.ଶିବନ୍ ବିମାନ ଭିତରକୁ ପ୍ରବେଶ କରିବା ପରେ ପ୍ରଥମେ କ୍ୟବିନ୍ କ୍ରୁ ତାଙ୍କୁ ଚିହ୍ନି ପାରି ଅଭିବାଦନ ଜଣାଇଥିଲେ ଓ ସେଲ୍ଫି ନେବା ଲାଗି ଅନୁମତି ମାଗିଥିଲେ । ଏହାପରେ ଅନ୍ୟ ଯାତ୍ରୀମାନେ ତାଙ୍କ ପରିଚୟ ପାଇବା ପରେ ଅଭିବାଦନ ଜଣାଇବା ସହିତ ସେଲ୍ଫି ନେଇଥିଲେ । ସେ ନିଜ ସିଟକୁ ଯିବା ବେଳେ ସମସ୍ତ ଯାତ୍ରୀ ତାଳି ମାରି ସ୍ୱାଗତ କରିଥିଲେ ।
ପ୍ରତି ବଦଳରେ ଇସ୍ରୋ ଅଧ୍ୟକ୍ଷ ମଧ୍ୟ ସମସ୍ତ ଯାତ୍ରୀଙ୍କୁ ହାତ ହଲାଇ ଅଭିବାଦନ ଜଣାଇବା ସହ ହ୍ୟାଣ୍ଡସେକ କରିଥିଲେ । ଟୁଇଟରରେ ଏହି ଭିଡିଓକୁ ୨ଲକ୍ଷରୁ ଅଧିକ ଲୋକ ଦେଖିସାରିଲେଣି । ଲୋକେ ତାଙ୍କୁ ଦେଖି ଏପିଜେ ଅବଦୁଲ କାଲାମ୍ ମନେପଡୁଛନ୍ତି ବୋଲି ଲେଖିଥିଲେ ।