ପ୍ରଧାନମନ୍ତ୍ରୀଙ୍କ ବିଦେଶ ଗସ୍ତ ଖର୍ଚ୍ଚ ହିସାବ ଦେଲେ ସରକାର
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଦେଶ ଗସ୍ତ ଖର୍ଚ୍ଚର ହିସାବ ସରକାର ଦେଇଛନ୍ତି। ବିଦେଶ ବ୍ୟାପାର ରାଷ୍ଟ୍ରମନ୍ତ୍ରୀ ଭି ମୁରଲୀଧରନଙ୍କ ସୂଚନା ଅନୁଯାୟୀ, ପ୍ରଧାନମନ୍ତ୍ରୀ ନିକଟରେ ଜି-୨୦ ସମ୍ମିଳନୀରେ ଯୋଗଦେବା ପାଇଁ ଇଣ୍ଡୋନେସିଆ ଯାଇଥିଲେ। ସେଥିପାଇଁ ୩୨ ଲକ୍ଷ ୯ ହଜାର ୭୬୦ ଟଙ୍କା ଖର୍ଚ୍ଚ ହୋଇଛି। ସେପ୍ଟେମ୍ବର ୨୬ରୁ ୨୮ ତାରିଖ ପର୍ଯ୍ୟନ୍ତ ପ୍ରଧାନମନ୍ତ୍ରୀ ଜାପାନ ଗସ୍ତରେ ଯାଇଥିଲେ। ଜାପାନ ଗସ୍ତ ବାବଦରେ ସରକାରଙ୍କ ତହବିଲରୁ ୨୩ ଲକ୍ଷ ୮୬ ହଜାର ୫୩୬ ଟଙ୍କା ଖର୍ଚ୍ଚ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଚଳିତବର୍ଷ ସେପ୍ଟେମ୍ବର ୨୧ରୁ ୨୮ ପର୍ଯ୍ୟନ୍ତ ପ୍ରଧାନମନ୍ତ୍ରୀ ୟୁରୋପ ଗସ୍ତ କରିଥିଲେ। ଏହି ଗସ୍ତ ବାବଦରେ ୨ କୋଟି ୧୫ ଲକ୍ଷ ୬୧ ହଜାର ୩୦୪ ଟଙ୍କା ଖର୍ଚ୍ଚ ହୋଇଛି। ପ୍ରଧାନମନ୍ତ୍ରୀଙ୍କ ବିଦେଶ ଗସ୍ତ ଦ୍ବାରା ଭାରତର ଜାତୀୟ ସ୍ବାର୍ଥ ସାଧିତ ହୋଇଛି। ଏଥିସହିତ ଭାରତ ଏହାର ବିଦେଶ ନୀତିର ଲକ୍ଷ୍ୟକୁ କାର୍ଯ୍ୟକାରୀ କରିପାରିଛି। ବିଭିନ୍ନ ଦେଶ ସହିତ ଭାରତର ସଂପର୍କ ମଜଭୁତ ହୋଇଛି ବୋଲି ମନ୍ତ୍ରୀ କହିଛନ୍ତି।